Page 77 - MIN VOS

cu a bin liber ora cu FDA a stop di existi. For di 1999 den e tempo ey, Gobierno di AVP

a negosha un fondo caminda cu partinan di inversion ta wordo financia y e fondo aki a

wordo tanto Aruba, como Hulanda, a contribui na e fondo aki. Aruba y Hulanda, cada un

a contribui como mas cu 220 miyon di Euro, casi 500 miyon di florin, den e fondo aki

durante un periodo di mas cu 10 aña y obviamente poco poco e fondonan aki lo ta

cabando. Ta un formula cu Gobierno di Aruba a traha hopi bon cun’e, pasobra tabata tin

hopi control. E tabata wordo maneha pa un directiva, unda cu Hulanda y Aruba tabata tin
miembro aden. E tabata wordo controla door di administracion di e fondonan cu tabata

AIB. Y ta un formula cu a traha hopi bon Aruba. Awor aki e tin un suma di 16 miyon di

florin cu ta bin liber y a otorga e suma aki bek na Gobierno di Aruba, pa e wordo uza den

e forma cu a cumbini cu Hulanda. Casi mita ta bay pa infrastructura. Esey ta den mesun

liña cu maneho di Gobierno den e ultimo añanan pa loke ta trata un infrastructura cu

mester sostene e actividadnan economico. E mester por sostene calidad di bida di e

hendenan. Si mira bon, esey tabata e maneho cu Gobierno tambe a hiba durante e ultimo

8 añanan. Tin un suma cuantioso di 7.3 miyon cu ta bay pa esey y un otro suma cu ta

wordo reparti den enseñansa, tambe medio ambiente, calidad di gobernacion, economia,

tur e centre of excelence, e Green Factory tambe ta wordo subsidia door di e fondonan

aki. E fondonan aki ta wordo aloca pa esey. Asina, hunto cu Hulanda, a yega na un
reparticion cu ambos pais por a haya nan mes na otro pa loke ta e sobra di e fondonan di

FDA.

Futuro