Page 82 - MIN VOS

Janice Hooft kende ta traha den e departamento di Cuido Hubenil di Departamento di

Salud Publico, e cartanan ta sali pa e muchanan cu ta bin na remarca pa e vacunanan. E

vacuna no ta obligatorio. Si e mayor no kier pa e yiu haya vacuna, e no ta bay hay’e. Pero

ta bon si pa e pone riba e carta un NO cla. Ta gradici e mayornan pa pone e motibo

pakico no y si nan tin pregunta, cu nan por yama libremente pa haci’e. Hopi biaha ta pone

un no, sin e motibo y e departamento no sa kico ta e motibo pa no haci’e. E lo ta bon pa

nan mes, si nan kier haya mas splicacion tambe, pa por duna e splicacion necesario.

Con pa convence

Hooft a splica cu e vacunanan aki ta existi di añanan 60 y 70 caba y den e tempo ey,

mayoria di hende tabata wak e malesa. Door di esey nan tabata duna e vacuna, pasobra

nan no tabata kier pa e yiu haya e malesa. Door di e vacunanan mes, casi bo no ta mira e
malesanan mas. Pero locual hopi hende ta lubida, cu e malesanan tey eyfo na otro pais.

Como Aruba tin e suerte cu mayoria di hende ta vacuna. Door di esey e porcentahe

chikito cu no ta vacuna, ta protehi. Nan ta biaha tambe, y eynan si tin e riesgo pa haya e

malesanan aki.

Ultimo palabra

Si ta e muchanan mester scoge, 100% lo bisa no. Pero ta e mayor ta dicidi y mayoria

mayor ta bisa cu si. Esey ta importante. Manera e propaganda ta bisa, e ta haci dolor, pero

un tiki so.