Page 20 - MIN JUS DEC 11,2015
P. 20
40 AWEMainta Diabierna, 11 December 2015
Clientenan
di FAVI a
celebra Pasco
DIAHUEBS 10 di december, FAVI a celebra Pasco
di Nacemento cu su clientenan. Danki na su excelente
boluntarionan cu a yuda den diferente manera, FAVI
su clientenan a gosa di un dushi fiesta di Pasco yena cu
hopi ambiente musical, premio y cuminda.
Cada cliente a hiba un bunita regalo cas cortesia di
Aruba Aloe Factory. P’e ocacion special aki FAVI a
reconoce 4 cliente cu a destaca durante 2015.
E clientenan aki ta Betto Maduro, kende a logra su
meta pa bay representa Aruba durante Weganan di
Paralympic na Canada. Tony Tromp, un cliente cu
a tuma diferente reto manera sigui curso di type y
computerles. Tambe Tony ta participa den proyecto di
jobcoach. Sharin Croes tambe a wordo reconoci como
un cliente cu a demostra di por hopi den e proyecto di
jobcoach. Nos a reconoce Gregory Orman, como un
cliente cu a drenta FAVI na final di 2014 y a surpasa
hopi dificultad.
Durante Fun Walk and Run di FAVI na luna di maart
el a gana e premio maximo den categoria di cliente
den coremento.FAVI kier a yama danki na tur sponsor,
Trio Los 3, Rak Persaud, Tommy de Cuba pa nan
entretenimento musical y tur otro personanan cu a
yuda FAVI. FAVI ta desea comunidad di Aruba un Bon
Pasco y un Felis Aña Nobo.
