Page 10 - LOTTO

AWEMainta Dialuna, 6 November 2017 19

JeanPiere Acevedo y

Brady Rojas campeon

torneo ahedrez

DIASABRA, dia 4 di November a tuma lugar
den e clubhouse, un torneo di ahedres hubenil pa e
muchanan di grupo B y C. Esaki a wordo organisa en
conexion cu ASU Olimpiada.
ASU a duna como premio medaya di oro, silver y
brons pa e promer 3 lugarnan den grupo B y den
grupo C. Y un medaya pa e mihor hungador bou 10
aña y mihor hungador bou di 8 aña.
E torneo a wordo hunga den un solo grupo. Particion
di premio si a tuma lugar pa grupo B y C separa.
Campeon absoluto di e torneo a bira Jeanpierre Ace-
vedo. Jean pierre a score 4½ punto for di 5 partido.
Na di 2 lugar a termina Samantha Aponte cu 4 punto
y tercer lugar a bay pa Miguel Paes cu 3 ½ punto.
Tur e hungadornan aki ta hungadornan di grupo B.
Pa promer lugar den grupo C tawata tin un empate
entre Brady Rojas y Kaiden Dominte. Ambos a score
2 punto.
Brady a haya mas punto di resistencia (contrincante
mas duro) y a keda na di promer lugar y Kaiden na
segundo lugar. Tercer lugar a bay pa Rai Oduber. Rai
a score 1 ½ punto.
Mihor hungado bou di 10 aña, a bay pa Camila
Zambano. Camila kende a score 3 punto. Y miho
hungador bou di 8 aña a bay pa Sylvi Cabral. Sylvi
tambe a score 3 punto.