Page 11 - LOTTO
P. 11
AWEMainta Dialuna, 6 November 2017 21
Lotto ta felicita
Delegacion di
taekwondo cu un bes
mas a logra triunfa
den TK5 na Corsou
E delegacion hubenil di taekwondo a logra gana e
competencia di taekwondo na Corsou pa di dos aña
consecutivo.
Den e fin di siman tras di lomba e delegacion di tae-
kwondo cu ayudo di Lotto a competi den e famoso
7 edicion di e TK5 organisa pa Olympia Taekwondo
na hermana isla di Corsou.
Nos atletanan a competi contra un total di 4 pais y
tabata representa den e categoria hubenil pa e cinco
atletanan Rouel Baarh, Nathan Fradl, Hakeem Lowe,
Záhyon Klabér y Jourdé Klabér. Guia p’e atleta Olim-
pico di Rio 2016, Monica Pimentel nos muchanan a
logra un tremendo papel ganando di Venezuela den
e gran final.
Esaki sigur ta un logro tremendo p’e delegacion di
Aruba den e deporte di taekwondo den un torneo
internacional di taya.
Lotto cu semper a apoya e deporte di taekwondo
den tur sentido di palabra kier a manda un palabra
di pabien na sr. Albert Klaber y Stichting Brazil Tae-
kwondo como tambe n’e atletanan y coach Monica
Pimentel cu e gran logro aki. Aruba sigur por ta or-
guyoso di nos taekwondistanan cu un bes na planta
respet den un torneo internacional.
