Page 13 - KPA

Diamars, 28 November 2017 AWEMainta 7

Homber a dal

muhe manda

suela dilanti

yiunan

DIADOMINGO atardi den careda di 6:30 Polis ta bay cu urgen-

cia un caya panort di Perle D’or, pa un dama cu ta benta ariba vloer.

Na prome instante no tawata mucho cla kico a pase, pero na yegada

di polis nan ta constata cu ta problema entre pareha y cu e homber
a dal e dama. E caso lamentabel aki a sosode den un apartamento,

caminda tin algun criatura tambe y mas cu claro a presencia e pelea.

E informacion cu a acumula na e sitio ta indica cu na momento cu e

pelea a cuminsa, e yiu mas grandi a pasa man pa esnan mas chikito y
core bay na e bisiñanan pa bati alarma, bisando cu su mama ta benta

ariba vloer. Mes ora bisiñanan a avisa polis.

Na e sitio e homber cu a comete e acto kiermen cu e cos no ta asina
serio manera e ta mustra y cu lague bay paden papia cu e dama, pero

e Polisnan a para fuerte cune y a bise cu na warda e por bay splica

kico a pasa.

E no a gusta mucho, pero no tin otro manera e momento eynan.

Segun bisiñanan, e dama tawata tin basta rato ariba vloer. Ambu-

lance a yega y despues di prepare a transporte pa hospital. Slach-
tofferhulp tambe a keda di wordo poni na altura, pa atende cu e

muchanan cu a pasa den un momento traumatico. Un rato despues
un familiar di e dama a yega. Posiblemente e lo por bira e persona

indica pa wak pa e criaturanan pa e anochi aki.

E situacion aki riba menciona ta mustra cu Cuerpo Policial sea mes-

ter traha estrechamente cu Departamento di Asuntonan Social of

Cuerpo Policial mester tin un trahado social cu inmediatamente ta
wordo yama pa papia y guia e victima y su famia, y pa follow up riba

e caso despues.