Page 55 - KPA

E caso no ta manera e ta wordo presenta door di ministerio publico den prensa y tur

caminda, segun Vaders. E no por bay den hopi den detaye di e caso, pero si por bisa cu

cada biaha cu si tabata tin algo den contra di sr. Croes, e ora nan tabata wanta algo atras

cu tabata na su fabor.

Por bisa tambe cu si lo tabata tin cosnan concreto y vervelend contra sr. Croes, hamas y

nunca e lo a bay cas. Pa otro hende cu no ta envolvi den e proceso penal por compronde,

ya e hecho cu un hues ta laga un persona bay cas, ta bisa riba su mes hopi cos caba.

Acusacionnan

E mesun acusacionnan semper ta keda. Esnan di principio a keda para te dia di awe. Pero

tin cu wak cada un dimes na nan manera y dia cu ta haya tur e documentonan, pasobra te

ainda no a haya tur, e ora ey por bay evalua kico por haci cu cada un acusacion. Te ainda,

Vaders no a bringa e contenido di e caso. Cada biaha a bringa pa wak si sr. Croes por a
bay liber. Esey ta un otro defensa cu tin traha riba dje, ora cu haci e defensa den sala di

corte pa na e momento di e caso final.

Con ta interpreta

Mirando e situacion di e caso, no a detene minister mesora. Despues di a detene, a dun’e

beperking. Pero prome cu esey a piki masha hopi hende rond di dje. Segun abogado

Vaders, na momento cu a drenta den sr. Croes su cas, no tabata tin nada den su contra. A

base di esey a cuminsa traha, a cuminsa detene tur hende y bay wak kico por haya contra

di e minister. Esey tambe ta di lamenta. Tin cu bisa tambe cu na opinion di Vaders, e
investigacion tabata asina grandi, pero loke a saca afo ta sumamente tiki informacion.