Page 56 - KPA

Ki dia lo tin cu presenta

E intencion tabata pa dia 13 di December, e lo mester a bin dilanti Pro forma, pero esey

tabata si e lo keda cera. Ministerio Publico tabata pensa cu esey lo a bay pasa, pero ora a

pone sr. Croes den libertad, mesora a haya e informacion cu nan ta cancela e fecha eynan,

dus no lo tin pro forma mas dia 13 di December. E caso awor aki lo wordo trata of lo bay

corte dia 12 di April 2018. Esey ta pa un regiezetting. Eynan tampoco lo bay tin

tratamento di e caso completo. Na e momento ey e fiscal a bisa cu lo haya e

documentonan final of e einddossier, un luna prome pa e ora por cuminsa pensa of

formula nan deseonan pa haci nan investigacion, a base di e documentonan final cu ta bay

haya e ora eynan na Maart.

Trankil

Vaders ta hopi trankil, mirando con e caso ta canando. Na e momento cu sr. Croes tabata

cera, e tabata hopi ansha y nervioso, pasobra na nan parecer no tabata tin nodo pa sr.

Croes keda cera y dimes cada biaha cu tabata pidi pa bay cas, esey a wordo rechasa. Esey

ta duna hopi presion riba e caso. Pero awor aki cu el a bay den libertad ta hopi trankil y ta

hopi sigur cu algo bon lo salo di e caso pa sr. Croes.

Esfuerso

E contestanan semper tabata masha cortico mes, segun Marije Vaders y ningun no tabata

motiva. Cada biaha nan tabata tende, cu e investigacion no a caba y pesey sr. Croes no

por bay cas, of ta pesey no ta kita su beperking. Esey tabata eigenlijk e motibo pakico
cada biaha nan tabata bisa cu no por bay cas y esey ta hopi laaf. Pasobra si bo no ta haya

un motivacion, e ora ta mas dificil pa bringa e caso tambe.