Page 34 - MIN JUS 17 MAART 2016

Rayen Robert sospecha di mata Alex Rojas marduga a sali atardi 31 di december mes pa
Hulanda
Wednesday, 16 March 2016 18:51

Comparti

E sospechoso Rayen Robert awor aki ta esun cu ta wordo mira como e sospechoso principal den morto di
Alex Rojas.
E sospechoso aki segun su amistadnan ta un hende hopi trankil. Hende ta bisa cu nan mes lo no kere.
Mescos a bisa tambe di e victima Alex Rojas. Den e caso aki Rayen Robert ta wordo mira como e supuesto
asesino di Alex Rojas. Mainta trempan a haya Alex Rojas kima den bahul di un Celta. E sospecho ta cu el a
wordo mata y kima. Aunke ta bisa cu Rayen Robert ta un hende keto, tog su mente ta uno criminal
mirando cu el a cay sera pa Atraco Arma y tambe tabata e brain di grupo cu tabata horta auto pa
desmantela y despues kima esakinan. Tempo di Ex Minister Rudy Croes el a haya trabou como bombero.
E tabata un trahador hopi trankil pero a cay sera y djey a perde su trabou. Su tata tambe ta un persona
hopi trankil y tabata traha den oficina cu ex minister di husticia. Loke ta notable den e caso aki, ta e fecha
cu Rayen Robert a bandona Aruba. El a habri aña cruzando Oceano den avion sinta rumbo pa Hulanda.
Eynan ta caminda el a keda deteni tambe net despues cu na Aruba a detene e muher Colombiana Cristina
San Martin. No ta conoci si Rayen Robert su ticket tabata poni pa bandona Aruba e fecha ey. Of si el a core
cambie of a cumpra un ticket e mesun dia y asina bandona Aruba. Ta informacion cu autoridad mes por
bay confirma pa nos ainda. Loke si por confirma ta cu e victima a ser kima marduga den e auto y atardi
Rayen Robert tabata sinta den avion rumbo pa Madre Patria. Por spera yegada di Rayen Robert un ora pa
otro na Aruba unda lo sigui cu e proceso di interogacion y investigacion.