Page 35 - MIN JUS 17 MAART 2016
P. 35
Un homber a keda deteni pa CEA ora a tira droga cu telefon y arma
den KIA
Wednesday, 16 March 2016 21:04
Comparti
Un homber a keda deteni. E ta fam Henriquez y no ta un desconoci di Polis. E homber aki a purba pasa
pariba di KIA via Grapefield y yega te na cura di KIA. Actualmente e personal di CEA ta den tur nan post.
Tur post ta ocupa y hasta e torennan. Pesey mes a señala e homber fam Henriquez ora el a tira su
porkeria. Den KIA tabata tin personal di CEA ta train y mesora nan a activa y bay na careda tras di e
sospechoso. Un unidad cu K-9 cu ta traha hunto cu CEA tambe a sali di otro banda. A logra gara e
sospechoso aki y bay cune KIA. Eynan Polis a bin buske y hibe pa mas investigacion. Despues a notifica e
personal den KIA mes y e cuidadornan a bay recohe e paki den nan propiedad. A habri esaki y haya ocho
paki di marihuana, telefon y un cuchio basta grandi. CEA no ta haci wega mas y tin henter e area paden y
pago di KIA bon vigila. Bon trabou di CEA. E homber Henriquez aki tin 23 aña di edad.
