Page 33 - Paul Croes

Omaira Lares di DRH: Tin regla cu ta prohibi e ambtenaar
traha otro caminda

W ednesday, 23 December 2015 18:02
Comparti

Tin hopi ambtenaar den e ultimo anjanan, gobiernonan tabata hopi tolerante cu e empleadonan ta haci
mas cu un trabao cu no tin di haber cu su trabao den e aparato gubernamental.
Dado momento e atencion ta bay mas na e atencion na banda, cu e ta bay na e trabao cu su trabao den
gobierno.
Riba esaki, Omaira Lares, directora di Departamento di Recurso Humano, a comenta cu tin regla cu ta
prohibi un ambtenaar di traha, haci nevenarbeid.
Kico ta e definicion di nevenarbeid. E por ta amplio. Si ta traha boluntario pa un misa, tambe ta cay bao
di nevenarbeid. Si ta traha por ehempel traha pastechi y bende pa su mayan mainta, tambe ta neven
arbeid. Pero como un hende cu ta traha den HR, si e ta duna conseho na un compania di HR, e pregunta
ta kico ta compatibel cu e trabao si of no. E ta duidelijk den e ultimo caso, cu no ta compatibel. Dus no
por duna conseho di HR na cualkier un empresa pafo. Pero e di dos di traha pastechi anochi y bende
mainta, ta percura pa e clientenan durante ora di trabao, ta manda nan email, ta manda telefon cu
medionan di trabao y ta sai un rato core bay hiba pastechi, no ta cuestion cu e no ta compatibel, pasobra
ta HR y bende pastechi, no tin un compatibilidad cu otro. Pero e por ta stroba den trabao si. Ta miembro
of ta yuda como un bolutnario na un misa, e no tin un lin cu e trabao, pero si por ta compatibel. E por ta
prohibi si den e misa ta papia algo cu ta contra di e principio nan di traha como empleado publico.
E reglanan ey kier haci nan cla pa tur empleado publico, pa asina sa unda e liña di cana ta. Na october a
entrega un conseho na minister y esaki ta den evaluacion na e diferente departamentonan pa wak con leu
ta bay cun’e. En todo caso, pa ta conciente di kico por y kico no por y si haci’e toch, aunke cu a adverti cu
no por, kico por ta e consecuencia di dje.
Pa cuminsa naturalmente ta duna un periodo di gracia of ta duna un periodo cu hendenan ta meld kico ta
nan ta haci, sea ta contra of no betaling, kico e departamento mes ta pensa di dje. E ta algo cu no ta
zomaar ta pasa un martiu y ta cla ta stop’e. Ta algo cu tin cu trece conciencia na dje pa asina tin e
productividad den e funcion ta corecto. E productividad no mester ta super halto pasobra tur
departamento cerca un, ta traha 10 stuk, por ta cerca otro 2 stuk. Pero mester ta conciente di kico ta e
trabao di un empleado publico. Ta imposibel cu un empleado publico ta traha como consehero den un
departamento y mayan e ta para ta na un gayero ta bende ticket.
Un gayero ta algo cu ta prohibi pa ley, pero e no ta un bista pa abo como beleidsmedewerker ta haci esey.
Eseynan ta cosnan cu kier mustra riba dje, si ta hacie sin aprobacion di bo donjo di trabao.
Tin empleadonan publico cu tin compania riba nan nomber. Conciente of no, esey DRH ta trece
conciencia riba dje, pa ta duidelijk di kico ta sosode. Por lanta un negoshi hunto cu un famia y bo mes no
tin nada di haber cun’e. Pero ata bo nomber semper a keda inscribi como doño di e negoshi. Eseynan ta
cosnan cu mester pone conciencia riba dje.
E tempo di gracia ta algo cu tin cu laga mas departamento wak’e huridicamente, mira e consecuencianan
si bay actua, pasobra e mesun regla eynan por wordo aplica den un departamento manera DRH, duna
conseho, pero e reglanan ey mester ta aplicabel den un cuerpo policial, na un KIA, na tur departamento,