Page 28 - AWEMAINTA

28 AWEMainta Diamars, 20 Februari 2018

Deporte

Aruba Basketball Bond a inicia
cu nan campeonato di basketball cu 21 ekipo

UN total di 21 ekipo den e categorianan di

mini te cu senior A klas a participa na e cer-
emonia di apertura di e campeonato di Aruba
Basketball Bond cu a tuma lugar den Centro
Deportivo Betico Croes na Sta Cruz. Mester
bisa cu bou di un entusiasmo grandi di mayor-
nan, famia y conocirnan e ekiponan a desfila
den nan outfit di basketball. E aña aki lo tin
competencia den e diferente categorianan di
manera mini paserela, cadet (u17), junioren y
A klas. Ekiponan participando na e campeon
di A.B.B ta Estrella Club, Aruba Jrs, Sports
Unlimited Round, AKA Steelers, Esso Heights
Playground y De Vuist.

Mirando e cantidad grandi di mucha, hoben y
grandi cu ta prakticando e deporte di basketball
ta un indicacion cu e deporte ta bayendo den
bon direccion. Mester sigui apoya y duna e sos-
ten necesario na e federacionnan deportivo cu
tin hopi atletanan ta guia tur dia, specialmente
e deporte colectivo. Mas mucha den movecion
mas mihor ciudadano sano nos por forma pa
futuro. Un pabien grandi na henter e directiva
di Aruba Basketball Bond. Un palabra di exito
na e refereenan, dirigentenan, scorenan y tur e
ekiponan participando na e campeonato e aña
aki. Corda semper riba Fair Play.
Un danki sigur na Lotto, e Loteria di Aruba pa
medio di Stichting Sportsubsidie Aruba cu ta
subsidia e campeonato di baseketballl organisa
pa Aruba Basketbal Bond.
Cumprando weganan di Lotto, e Loteria di
Aruba manera Catochi, Big 4, 1-OFF, Zodiac,
Wega di Number Korsou, Lotto di Dia, Lotto
5, Mini Mega, Mega Plus y weganan di Raspa
bo ta contribui na deporte riba nos isla. E meta
ta pa organisa loteria, cambia bida di su hunga-
donan y na mes momento inverti den deporte
local pa medio di donacionnan na e Stichting
Sportsubsidie Aruba.