Page 31 - AWEMAINTA

Diamars, 20 Februari 2018 AWEMainta 31

Deporte

FLpD ta sostene baseball di mucha

Participacion grandi den apertura di Aruba Little League

DIABIERNA a tuma luga e apertura di e campe-

onato di Aruba Little League Baseball unda cu 14
team di North, Center y South League a participa na
esaki, kendenan lo ta competiendo p’e titulo maximo
di baseball. Tambe a conta cu presencia di 5 team di
softball femenino, kendenan tambe lo ta competien-
do p’e titulo maximo den softball. Fundacion Lotto
pa Deporte ta orguyoso di a mira un apertura grandi,
unda hopi mucha ta practica e deporte di baseball y
softball.

President di Fundacion Lotto pa Deporte (FLpD),
Di-Stefano Wernet, a hiba palabra e anochi aki unda
el a desea tur team exito p’e campeonato. Di-Ste-
fano Wernet tabata honra di tabata presente na e
apertura y cu a haci uzo di e veld di Crismo An-
gela/Nadi Croes, cu ta un veld renoba cu dak nobo
y un batting cage. Hopi fanatico tabata presente na
e apertura unda cu nan a aplaudi e teamnan. “Mi ta
contento pasobra nos mester fanatico pa apoya nos
muchanan”, asina el a expresa. E muchanan aki ta
e futuro basebolistanan den un lista grandi di cual
lo sali di esaki e hungadonan cu lo hunga den big
league na Merca.

Aruba Little League lo por sigui conta cu e sosten di
FLpD, di cual nan ta haya cu e ideanan di e federa-
cion ta uno hopi bon. Baseball di e muchanan ta e
futuro y FLpD ta cu futuro y cu e hubentud, asina
Di-Stefano Wernet a expresa.

Rudy Donata, District Administrator di Aruba Little
League, tabata contento di por a mira hopi mucha
y fanatico durante e apertura. Durante e apertura
Center League a cambia e nomber pa Liga Central
Braulio Wester y pa Aruba Little League esaki tabata
algo unico. Baluarte Braulio Wester ta un persona cu
a dedica 60 aña gratituamente cu Little League.
Minister di Deporte a lansa e prome bala di anochi,
unda cu yiu di Braulio Wester a fungi como batiado y
Di-Stefano Wernet tabata e catcher pa asina e prome
teamnan por a hunga e anochi aki.