Page 3 - MIN VOS DEC 30,2015

Minister dr. Alex Schwengle: 2015 tabata un aña di desaroyonan esencial pa progreso y
mehoracion di calidad

Tuesday, 29 December 2015 21:42
Comparti

Minister di Salud, dr. Alex Schwengle ta satisfecho cu desicionnan y desaroyonan cu a tuma luga den
transcurso di e ultimo dos añanan. El a splica den un entrevista na su oficina diamars mainta cu 2014
tabata un aña hopi duro cu retonan grandi y 2015 a duna mas espacio pa fiha miho riba e cuater puntonan
di maneho mas importante di su ministerio y riba e cuminsamento di diferente proceso importantisimo
pa cu su carteranan.

E cuater puntonan principal di maneho, segun e mandatario ta comenta, ta calidad, cuido di nos
grandinan, deporte y maneho financiero den salubridad. Cada punto tin su atencion y ta conecta na
desaroyonan necesario pa por ofrece e miho servicio den cada area.
Maneho financiero
Minister Schwengle a remarca regardando maneho financiero di salubridad, cu semper tin hopi critica
riba AZV, pero hecho ta cu e ta defende AZV pasobra e instancia a logra mantene un bon control riba
gastonan tanten cu e ta permiti un aumento controla di menos di 3% anual pa asina no sacrifica calidad di
cuido. E cifranan di e ultimo 10 pa 15 añanan ta mustra bon y por nota cu tin mas transparencia cu antes,
segun e mandatario.
El a splica cu realidad ta cu dificilmente por maneha e mesun suma di presupuesto cu cero crecemento
den gasto, pasobra esey ta traduci den un calidad cu no ta conoce mehoracion. E ta di opinion cu mester
sigui inverti pa mantene y mehora e calidad.
AZV y gobierno tin bon comunicacion y e placa ta wordo uza na e forma corecto, pa cual AZV ta tuma
responsabilidad tambe.
Minister Schwengle a bisa cu den e prome kwartaal di 2016 Aruba lo conoce un biaha mas e "national
health accounts" cual ta e raportage completo di salubridad, incluyendo e inversionnan den cuido curativo
y den cuido di malesanan cronico, con e fondonan ta wordo uza y si e maneho di fondonan ta corecto.
Aruba no tabatin un raportage asina for di aña 2007, pero e ta un instrumento cu ta importante pa cu e
maneho sostenibel financiero.
Cuido di Nos Grandinan
Minister dr. Alex Schwengle a splica cu a move e responsabilidad pa cuido pa nos grandinan for di
Asuntonan Social pa Salubridad Publico recientemente. E titular di salubridad publico a tuma e tarea aki
cu brasa habri y a guia y sostene diferente desaroyo importante preparando pa miho calidad y expansion
di servicionan pa acapara e necesidadnan di hendenan di edad halto na Aruba.
Durante di 2015 a institui e plataforma multidisciplinario pa bienestar di hende grandi cu ta wordo guia
pa e specialista den medicina pa hende di edad halto, dr. Waterloo.
Tambe a pasa den parlamento e ley importante "Landsverordening Zorginstellingen" pa asina percura pa
hende grandinan na Aruba ricibi e miho sosten y cuido di calidad. Minister Schwengle ta hopi contento cu
e ley aki, cual lo percura pa guia e instancianan di cuido priva pa yega na normanan di calidad halto cu
nan clientenan mester y merece y ta activa tambe e control general di e instancianan en general bao di
Inspeccion di Salubridad.
E instancianan priva ta hunga un rol importante den nos comunidad pa yuda brinda cuido na nos