Page 50 - AVP

E mandatario durante e conferencia di prensa a toca e tema di Korrectie Instituut Aruba

(KIA), principalmente trabounan cu a avansa na instituto pa realisacion di cierto

proyectonan.

E prome aspecto urgente na KIA ta cu mester a regla of mehora e situacion interno pa e

prizoneronan pa cumpli cu norma internacional. A logra haci cierto cambionan, segun e

mandatario y hasta expertonan Hulandes cu tabata di bishita na Aruba pa inspecciona

KIA, a keda impresiona cu e cambionan. “Nos ta traha duro riba e proceso pa yega na un

KIA nobo,” e mandatario a sigura.

Pa loke ta e procedura di REOI, el a splica cu esaki ta un fase unda ta explora e interes cu

tin den mercado pa participa den e proyecto construccion di un KIA nobo. Di e forma aki

ta haya sa tambe si financieramente e ta algo cu ta atrae gruponan.

Gobierno, el a bisa, a haya su mes si cu basta pregunta pa loke ta construccion di un KIA

nobo, si e ta cuadra den e cuadro financiero nobo cu College Financieel Toezicht (CAft)

y Hulanda kier logra cu Aruba. Dia 25 di november ultimo e mandatario a reuni

cu CAft durante cual encuentro a splica pakico di importancia di e proyecto di un KIA

nobo y con Gobierno tin pensa di realisa esaki. A haya un carta di CAft siman pasa unda

nan ta menciona cu ta compronde e proyecto miho awo pero pa mantene nan informa di e

aspecto financiero.

E mandatario ta sinti cu e carta aki a dun’e luz berde pa sigui cu e proceso, den cual 7

compania a expresa nan interes caba. E fase di screening ta tras di lomba caba y awor ta

bay pa e siguiente fase di e procedura. E mandatario ta spera cu den e prome kwartaal di

2020, finalisa e proceso pa por bay Parlamento pa haya aprobacion pa cuminsa e

siguiente proceso di yega na un KIA nobo, pa loke ta e aspecto financiero.