Page 13 - AM210119
P. 13
Diamars, 19 Januari 2021 AWEMainta 13
Chauffeur herida despues di a dal cu su auto contra un truck
DIALUNA merdia pa mas o menos 1:15 p.m patruya pasando
riba caminda di Hooiberg a topa cu un dalmento. Tabata trata di
un accidente entre un Nissan Sentra y un truck.
Mesora e agentenan a baha pa controla y a tuma nota cu e chauffeur
di e Sentra ta kehando di dolor den pecho. Esaki tabata motibo
suficiente pa pidi pa un ambulance.
Loke a sosode segun nos a compronde n’e sitio, e truck a subi
caminda y pa un of otro motibo chauffeur di e Sentra no a regula
su velocidad y a dal basta duro contra e parti robes patras di e
truck.
Na yegada di ambulance, Paramediconan a haya ta necesario p’e
chauffeur wordo transporta pa Hospital. Mientrastanto Polis di
Trafico a wordo poni na altura y tabata na caminda p’e sitio
Wiel di Toyota Tercel a kita por
completo riba rotonde di Wayaca
DIADOMINGO anochi pa mas o menos 9:50 Polis
a wordo informa di zonido fuerte na rotonde di
Wayaca.
Mesora a pensa cu un auto lo a perde control y dal
contra e rotonde, loke a yega sa pasa varios biaha.
Un patruya di trafico den becindario mesora a yega
pa controla kico por a pasa. Pero no a topa cu ningun
accidente, pero si un Tercel cara pariba riba e rotonde.
E ta mustra mescos cu e chauffeur lo por a subi e
rotonde n’e banda robes, pero esey no tabata e caso.
A resulta cu e wiel patras banda drechi a kibra y kita
completamente for di e auto poniendo e chauffeur
perde control.
Polis di Trafico a keda para cu e auto di patruya riba
e rotonde evitando accidente te ora takelwagen a
presenta pa bay cu e Tercel.
