Page 3 - AB

10 AWEMainta Diabierna, 15 Januari 2021

Aruba Bank ta contribui na yuda

hoben D’Sheila realisa su soñonan

D’Sheila ta un mucha muher di 7 aña cu ta
bishita Pius X School, 2de klas. Durante siman
di Bo Profeshon Bo Futuro na skol, D’Sheila a
dicidi cu e kier bisti comosifuera e ta un Branch
Manager na un banco. El a bisti su shimis blanco
y laga su mami y wela traha un name tag pe como
empleado di banco y su oma cu hopi orguyo a
pone su nieta riba Facebook.
Aruba Bank a tuma nota di e deseo di D’Sheila
di eherce su profesion den e area bancario y
a aserca su mama y wela pa D’Sheila haci un
bishita na nos sucursal principal.
Representante di Aruba Bank a ricibi D’Sheila
hunto cu su mama y a duna D’Sheila un mini
tour di e sucursal.
Como estimulo a regala D’Sheila un ABC Gift
Certificate p’e por habri su cuenta di spaar y
asina cuminsa spaar pa su estudio y su futuro
profesion.
Aruba Bank ta encurasha D’Sheila pa sigui su
soñonan y ta spera cu e por logra tur su metanan.

Wind Creek Casinos cu donacion

na Aruba Animal Shelter

RECIENTEMENTE Wind Creek Casinos a haci un donacion
na Aruba Animal Shelter como parti di nan compromiso cu e
comunidad di Aruba. A recauda e bunita suma di Afl. 5700 y
otorga esaki na Aruba Animal Shelter.

For di aña pasa Wind Creek Casinos a cuminsa cu e bunita gesto
aki unda cu hungadornan di casino por haci un donacion den
forma di deposita nan ‘tito’ den un tombola. E asina yama ‘tito’
t’e ticket ganador cu e machine ta saca ora di ‘cash out’.
Hopi t’esnan cu a haci donacion di e restante di nan wega, esaki ta
varia cuminsando caba for di algun cent. Despues di algun tempo,
Wind Creek Casinos ta colecta e tombola aki y haci e conteo
p’asina entrega esaki den forma di un donacion.
E biaha aki a toca turno na Aruba Animal Shelter, cu ta un
organizacion cu ta draai unicamente riba donacion ricibi. E suma
recauda lo bay yuda e shelter cubri facturnan habri na vetereinario.

E clientenan di Wind Creek Casinos ta gusta y aprecia masha
hopi mes e gesto aki, pues e tombola pa deposita e ‘tito’, asina
comunidad ta contribui apesar cu ta un suma chikito for di nan
bishita na casino. E siguiente organizacion cu lo bay ricibi un
donacion lo ta FANA (Fundacion Ayudo Na Aruba). For di awor
caba por deposita e ‘tito’ den e tombola. Despues di e temporada
di colect lo entrega esaki na FANA.

Gerencia di Wind Creek Casinos ta sumamente contento y
satisfecho con e reaccion ta riba e gesto aki y kier a yama tur
cliente danki pa bishita Wind Creek Casinos y na final pa nan
donacion haci.