Page 68 - SOC_Neat

E rol di maestro ta e forma didactico, unda cu e ta para dilanti klas y tambe e ta
pedagoog, unda cu e ta siña e mucha con pa comporta su mes mei mei di otro
hende, si ta hende grandi of ta muchanan di su mesun edad.

Tabata tin caso unda cu tabata tin un caso unda cu maestro tabata bully un
mucha, y esaki a bira un problema entre docente y mayornan y e pregunta ta
keda di maestronan ta prepara pa esaki. Segun Sra. Daal, ta pesey a bin cu
Conscious Discipline (Disiplina Consciente). Mester corda cu ariba mundo, ta
hende ta biba y hende tin problema y hende tin preocupacion y nan bida tin ora
no ta bay bon. Sea hende chikito y hende grandi. Ta pesey a bin cu Conscious
Discipline ta pesey ta pone hopi enfasis pa implementa esaki. Hende grandi, no
solamente na scol, pero pafo di scol tambe, cu hende grandi mester siña anda
cu otro. Hende grandi no tur ora sa con pa anda cu otro. Mester corda cu e
adulto ta e ehempel pa e hubentud cu ta lanta. No por verwacht cu un banda
mester ta corecto y e otro banda no. segun Sra. Daal, comunidad tambe ta
educa un mucha. Y no na scol so, durante e 5 oranan. Ta tur hende mester
contribui pa educa e mucha, pa asina e lanta como un ser humano drechi den e
pais aki. Asina Sra. Josette Daal, di SKOA a bisa.

Ora cu un caso di tentamento presenta, scol ta manda yama e mayornan y ta
papia cu e mayor. Tin dos caso, tin esun cu ta tenta, e mayor ta bin aden y ta
papia cu e mayor, ta duna e mayor un guia con pa anda cu e mucha na cas pa e
comportacion pa e mehora y ta splica e mayor con scol ta atende cu e mucha cu
ta tenta, con ta atende cu e mucha ariba di scol pa coregi e comportacion ey. Di
otro banda, tin esun cu ta wordo tenta. E mayor tambe ta bin aden pa e haya
splicacion. Esun cu ta wordo tenta, no mester hinca su den rol di victima y laga
su mes wordo tenta. Esey tambe e mayornan ta wordo splica. Scol ta siña esun
cu ta wordo tenta, con pa actua den un situacion asina.

Mayornan, segun Sra. Daal ta wordo poni na altura y ta wordo splica con pa
educa e mucha na cas ariba e parti ey, segun directora di SKOA, Sra. Josette
Daal.