Page 77 - SOC_Neat

pero mas cu claro loke cu a pasa dialuna anochi. "Despues di un lucha di casi 2 aña y hunto cu e ministernan, nan a
logra hunto cu e otro sindicato." Esaki ta un logro di e miembronan pasobra un sindicato ta existi tanten cu tin
miembro. Maduro ta felicita Cuerpo di Duana y Inmigracion pa cu nan a dicidi di uni forsa y mustra cu esaki ta algo
mas fuerte cu djis para bou dak manera hopi hende ta pretende. Aeropuerto ta existi pa decada caba y nunca
parkeerplaats tabata tin un dak y semper duaneronan a para den solo. "Si nan kier los e dak y pone otro caminda, pa
nos e no ta importante. Pa nos ta importante pa para mas cerca di nos pia di trabou."

Esey ta e parti cu tanto trahadonan di Duana y Inmigracion a logra conhuntamente cu ministernan y aeropuerto. "Mi
ta haci un suplica tambe na miembronan di Duana, na esnan cu ta traha na aeropuerto, pasobra ministernan a pidi
pa tambe pa mantene e uzo di parkeerplaats solamente na orario di trabou. Pa no haci e mal uzo di e parkeerplaats y
haci uzo di e parkeerplaats cu gobierno ta paga den oranan liber pa personal." SADA a haci nan parti y ta pidi
miembronan y trahado pa mantene e uzo di e parkeerplaats solamente na e ora di labora y dado caso ora di bishita of
haci cosnan personal, pa haci uzo di e parkeerplaats general manera tur otro bishitante di haci.