Page 76 - SOC_Neat

Edward Maduro president di SADA : Duaneronan por sinti
mas sigur awo cu ta parkeer mas cerca di edificio

Sunday, 14 May 2017 13:31
Comparti

Dialuna anochi un miembro di Duana cu tabata subiendo warda, a wordo ataca den parkeerplaats. SADA hunto cu 3
otro sindicato a reuni cu gobierno pa asina atende e asunto aki. Desde diaranson SADA a mustra nan mal contento y
nan a wordo respalda pa Cuerpo di Inmigracion hunto cu nan sindicato STA y TOPA, di cual SEPPA a join nan
diahuebs.
Nan a mustra nan mal contento pe resultado di e atraco riba e duanero dialuna anochi.
Esey a pone cu diaranson y diahuebs nan a sali afo pasobra nan no a haya ningun update positivo pa nan. Diahuebs
atardi nan a dicidi di uni forsa y asina e 4 sindicato a formula un carta y manda esaki pa ministernan encarga cu e
departamentonan concerni, pidiendo un reunion dentro di 24 ora pa asina nan por resolve e asunto aki, president di
SADA, Edward Maduro a indica.
E bon ta cu awo e trahadonan por yega trabou y sinti nan mes mas sigur ora cu nan parkeer nan auto, pasobra awo
nan ta parkeer nan auto mas cerca di e edificio, mas cerca di nan pia di trabou. Esaki ta algo cu nan ta boga pe desde
casi 2 aña pasa, unda cu nan ta sintando cu Minister y e leiding di Duana, pero Edward Maduro ta kere cu esey ta
positivo mas cu tur cos.
El a wordo regla y durante e reunion di diahuebs nan tabata tin un tiki bay bin cu e ministernan, pero na final di dia
e miembronan a triunfa y esey ta loke nan a pidi pe y logra esey. Na prome instante aeropuerto tabata papia cu cada
vak cu nan ta cobra ta mara na un carchi. "A nos ta bisa cu na duana por ehempel tin 50 karchi pero no ta 50 hende
ta trahando na mes momento. E 50 persona ta wordo parti den diferente warda y cada dia bo no ta haya 50 hende
hunto na aeropuerto. Esey ta loke nos a purba splica," Maduro a indica. Duana a purba di splica aeropuerto pero
gobierno tambe cu mester bin cu un sistema cu no mester paga asina hopi spot, pero si nan mester di e karchinan ey.
Duana mester di e karchinan pasobra nan ta drenta y sali for di e parkeerplaats di aeropuerto y eynan el a bay un tiki
fastioso. Despues aeropuerto a duna di nan parti y nan a yega asina leu cu esey a wordo poni duidelijk y a keda cla.
Maduro a confirmacion cu su coleganan despues cu e reunion a termina cu e palabracion tabata cu Minister Arends
lo haci un follow up cu Minister de Meza, kende na su turno a bay papia cu director di aeropuerto James Fazio pa
mira con lihe por regla esaki. Ni den menos di 1 ora minister Arends a contacto Maduro bisando cu nan a haya cu pa
final di dia diabierna tur cos mester wordo regla. SADA a confirma su miembronan cu e punto aki a wordo haci y
awo e coleganan ta sinti nan mes mas safe awo cu nan ta parkeer mas cerca di aeropuerto.
Dos aña pasa duaneronan a bay na nan leiding, cu ta nan hefe di trabou, pa notifica e asunto di parkeer na
aeropuerto y nan a sinta na varios ocasion. Ora cu nan a mira cu nan no ta sali afo for di e leiding di duana, nan a bay
na minister encarga cu Duana, esta Minister Bermudez. Aki Minister Bermudez a indica cu aeropuerto no ta cay bou
di su persona. Asina aki SADA a purba di yega na e otro ministernan pero na final a purba di yega na minister di e
tempo ey Oduber. Ora cu ex minister Oduber a retira, tur cos mester a cuminsa di nobo bek, pasobra minister
Bermudez no por a haci mucho debi cu aeropuerto no ta cay bou di su encargo y cosnan a tranca.
SADA nunca a laga esaki drumi y a sigui trata esaki buscando pa evita di a walkout cual a pasa diaranson y diahuebs,