Page 55 - KPA

CondolenCiA Dialuna 27 november 2017
A25

Cuerpo Policial a hiba Jan van der Veen na su ultimo luga di sosiego

ORANJESTAD - Diasabra ultimo tabata un dia tristo pa Cuerpo Policial na mo-
mento cu nan a despedi di nan colega Jan van der Veen. Jan van der Veen a forma
parti di e klas 95-I y e tabatin e rango di Brigadier Eerste Klasse. Jan van der Veen ta-
bata un agente policial pa 22 aña y su ultimo caminda di traha tabata na Straatdienst
di Oranjestad. Esaki ta segun e relato cu nos a ricibi di Cuerpo Policial.

Cuerpo Policial a reuni na Ad Patres, a saluda e famia y di aki a sigui cu e protocol na unda cu
e agentenan mes a carga e caha y e stoet a bay direccion Misa di Savaneta. Na misa polisnan a
haya oportunidad di despedi di Jan van der Veen.
Comisario di Polis Vanessa Tjon, a expresa cu un dia prome el a otorga 4 decreto guberna-
mental y awo e ta tumando despedida di uno cu apenas 22 aña di servicio. Ironia di bida di un
polis ta cu nan no sa ki dia Dios lo yama nan. “Nos ta lanta tur dia, bay eherce nos trabou y e
dia menos inespera Dios ta tuma nos”, asina el a expresa.

Cuerpo Policial no por describi e lucha cu Jan van der Veen a hiba, pero loke si nan por a haci
tabata convivi ta e dolor cu e ta causa y e reflexion cu nan a perde un persona di Cuerpo Poli-
cial. Nan a perde un miembro di famia di Cuerpo Policial y esaki a pone cu nan a uni. Despues
di e ceremonia di misa, Cuerpo Policial a compaña e famia pa santana pa hiba Jan van der Veen
na su ultimo luga di sosiego.