Page 48 - Djasabra 10 mart 2018.pdf
P. 48
48 Djasabra 10 Mart 2018
Durante kontròl na Weg Naar Hato
Hòmber mes a bisa outoridatnan
ku e ta indokumentá
WILLEMSTAD.- Ayera
durante di oranan di
atardi Kuerpo Polisial di
Kòrsou huntu ku personal
di Duana i tambe Curaçao
Airport Police a tene
kontròl di tráfiko riba Weg
Naar Hato.
Durante di e kontròl
nan a topa ku hopi
vehíkulo ku glas pretu.
Tambe a parti vários
prosèsverbal pa hopi otro
infrakshon kometé den
tráfiko.
Durante di e kontròl
aki polisnan a topa ku
okupante di un vehíkulo
ku a indiká ku e mes ta
kedando di forma ilegal
riba nos isla.
Mesora outoridatnan
a detené e hòmber aki
i a bai warda di polis
kuné kaminda a entreg’é
na departamento di
imigrashon pendiente su
deportashon.
