Page 66 - ATA

Ademas di esey, Ministro tambe ta duna su puntonan, djey e ta bin e decision. E ora
punto dos. E ora ta bin na decisionnan mas concreto y tin chens pa trece cosnan dilanti
extensamente kico ta e cosnan cu tin cu cambia y drecha.

Ta berdad cu nos leynan ta hopi anticua. Orman a splica cu tin cu bay punto pa punto,
cuminsa drecha loke cu ta bieu. Ley mester tin un bachi nobo, mas modernisa y esey
tin cu bay traha riba dje, punto pa punto. Cada biaha cu ta bin cu un cambio den ley, si
ta un punt mes, e tin cu haya aprobacion di mayoria. E tin cu bay ministerraad, tin cu

bay parlamento, Gobernador tin cu firm’e. Ta un proceso largo. Miho haci’e bon, sin
problema, y pesey ta buscando asistencia huridico.

Orman a añadi cu den e lista di prijs, nan tin agrega e ahuste cu nan a pidi. E ta bay

cover e BBO, aumento di gasolin, belasting, etc. E lista di prijs, a palabra un porciento
cu e minister y ta mira cu e Economische Zaken ta bezig cun’e. For di eynan, pa otro
siman, lo keda cla cun’e.

E ahuste aki ta despues di 9 aña. Orman a splica cu a busca informacion cerca CBS.
Semper grupo di taxista tin miedo di hisa cierto rutanan, pero a yega momento cu tin
cu aumenta. Awor aki e pricelist ta traha den un estilo di zonificacion, pues ta hinca un
manera cu proximo biaha cu e aumenta, ta hinca e porcentahe den dje y e ta aumenta

full e tarifa, na e porcentahe palabra, sin dolor di cabez pa traha lista nobo.

E peso di mas grandi pa Taxistanan ta combustible, sigui pa mantenimento manera
pieza, tires, brake, azeta, etc.