Page 20 - AAA 13 MAY 2017

Minister Dowers a splica cu a pidi departamento di atraco y a duna indicacion cu no tabata tin un atraco
cu a tuma luga. No tin un bista hopi cla, como kiera cu e denuncia no a wordo duna na recherche
tampoco. Si a haci un melding na grenspolitie. E departamento di recherche ta buscando tur dato pa por
determina kico exactamente a tuma luga. E trahado no a wordo atracao. Sa cu tin cierto figuranan cu ta
move diferente caminda riba pais Aruba cu por spanta hende y hasta sa cu tin algun hende cu ta dirigi
nan mes riba propiedad di otro hende.
Esey no ta algo straño cu un hende lo por purba di horta algo riba e parkinglot aki. A papia cu aeropuerto
encuanto siguridad general rond di aeropuerto. Toch e ta un institucion importante riba nos pais.
Aeropuerto ta mustra di ta tuma esaki hopi na serio. Loke ta compronde ta cu cierto momento luznan ta
wordo paga, pero ta atende cu esaki tambe. Maximalmente siguridad ta wordo garantisa rond di
aeropuerto tambe, como cu e ta un di nos instancianan vital di pais Aruba.

http://www.24ora.com/index.php?option=com_content&view=article&id=12177
7:no-tin-problema-mas-aeropuerto-a-pone-luganan-di-parkeo-paden-bek-na-
disposicion-di-gobierno&catid=1:local&Itemid=5

Minister interino di Finanza Richard Arends: “Nos ta para pa
garantisa e siguridad di nos duaneronan”

Friday, 12 May 2017 18:49
Comparti

Mesora despues cu duaneronan a tuma accion na Aeropuerto Reina Beatrix pa manifesta nan
preocupacionnan pa cu siguridad, Minister Interino di Finanza y Organisacion Gubernamental, Richard
Arends a reuni y mantene comunicacion cu representantenan di sindicato SADA, como tambe e director