Page 24 - AAA 13 MAY 2017

“Como Gobierno y tambe Ministerio di Finanza, cu sigur ta para pa garantisa siguridad pa tur
empleado di e diferente departamentonan, nos a logra garantisa 20 espacio di parkeo bou di afdak cu
lo wordo uza exclusivamente den orario di trabou,” asina Minister Arends a indica.

Minister Arends a sigui splica cu tabata tin algun luga reserva caba pa e duaneronan den e parkeo di
aeropuerto, pero awo ta cuestion pa expande e cantidad aki pa 20 espacio. “E parkeo aki ta di AAA,
pues nos como Gobierno ta paga pa e luganan aki cu nos kier haci disponibel pa nos
departamentonan y nos a haya hopi bon cooperacion di sr. Fazio di AAA pa logra esaki,” e
mandatario a bisa.

Tanto Gobierno como Ministerio di Finanza tin comprension pa e situacion ya cu en berdad e luga di
parkeo cu e duaneronan ta uza ta mas leu y tin poco iluminacion. Durante transcurso di dia e director
Croes di Departamento di Aduana a reuni cu representantenan y director di AAA pa yega na un
solucion mas lihe cu ta posibel.E mandatario a duna di conoce cu, despues di ambos ‘walk out’, tur
cos a bolbe na normalidad y ningun vuelo a wordo afecta.

Post Views: 31
 Facebook
 Twitter
 Google+
 Pinterest
 LinkedIn

http://earubianonews.com/nos-ta-para-pa-garantisa-e-siguridad-di-nos-
duaneronan/