Page 79 - MIN VOS

Mas cu 1000 profesionalnan a participa na a conferencia aki. E conferencia a tuma luga

na

Worldforum na Den Haag, Hulanda. Despues di e conferencia aki, e a duna tambe un

charla na un conferentia Europeo riba e tereno aki, ICEVI2017, cu a wordo organisa na

Brugge, Belgica. E topiconan di e conferencianan tabata respectivamente: 'low

vision

rehabilitation: a global right' y 'empowered by dialogue, centralisa rond di e
Quality of Life framework inspira di e trabou pa Dr. Robert Schalock.

Dr. De droog a splica su investigacion riba e tereno aki na Aruba, y a recibi un aplauso

grandi p'e. E enfasis di su charla tabata riba e impacto di un limitation di bista pa un

hende bibando na Aruba. Aunke e impacto ta diferente pa tur hende y ta dinamico, e tin
un impacto grandi den su bida diario, entre otro pa su autodeterminacion, identidad y

contactonan cu otronan. Su analisis ta mustra cu e ta un reto pa hendenan cu bista

limita pa participa den nos comunidad, entre otro dor di transporte y infrastructura cu no

ta adecua. Ademas hopi hende ta kere cu hende cu limitacion no por haci mucho. Su

investigacion ta mustra e importancia cu Aruba tambe mester ratifica e derechonan di

hende cu limitacion y percura pa un sistema di transporte y infrastructura adecua pa tur

hende. Esaki kier men incluso hende cu tin un of otro limitation.

Banda di esaki, tur hende por contribui na un of otro manera na un mihor bida diario pa

hende cu limitation na Aruba, esta profesional, famia, bisiña, hende cu limitacion mes y

hasta hende cu a djis pasa di bishita na Aruba casualmente. Dr de Droog a clausura su

charla enfatisando cu su investigatcon a mustra cu e ta yuda si nos ta balora un hende

cu limitacion, y ta ofrece e posibilidadnan y yudansa pa cu capacidadnan y su

deseonan. Su investigacion ta mustra tambe, cu den contacto cu hendenan cu

limitacion, e no ta solamente importante kiko nos ta bisa of haci, pero con nos intencion

tambe ta hunga un rol.