Page 23 - AM180728

Diasabra, 28 Juli 2018 AWEMainta 23

DEN 2018 tanto Cas di Cultura como Departamento di

Cultura Aruba tin hubileo pa celebra.

Cas di Cultura a habri su portanan pa publico 60 aña pasa
y Departamento di Cultura Aruba ta celebra 40 aña di

halsa y re-enforsa Aruba su cultura y expresionnan di arte.
E serie combina aki tin e titulo: “Manic Monday & Gang

di Arte, Edicion Festivo na Papiamento”, cual ta duna im-

portancia n’e aña cu a ser proclama como Aña di Papia-
mento.

P’e ocasion special aki a dicidi na uni dos evento di e in-
stancianan cu ta trata di forma y busca talento den e ra-

monan di arte di tarima, esta Manic Monday Talent Show

y Gang di Arte.
A haci un combinacion di e formulanan aki y inscripcion

ta habri pa participantenan entre 15 pa 35 aña den e ra-
monan di musica (canto, instrumento), baile, teatro, arte

di palabra y arte visual.

E inscripcion por ta pa presenta solo, pero tambe ta per-
miti grupo te un maximo di 5 persona.

Durante e trayectoria di preparacion participantenan lo

haya coaching tambe con pa mehora nan presentacion.

E fechanan pa e pre-finalnan ta 1 di october y 5 di novem-
ber, mientras e gran final lo ta dia 10 di december.

E talento of grupo ganador lo bay cas cu Afls. 5.000,- flo-

rin. Deadline pa inscripcion ta dia 24 di augustus pa me-
dio di e link aki:

https://form.jotform.co/80664408155862. E link ta wor-

do haya riba e Facebook page di tanto Manic Monday
como esun di Gang di Arte Aruba.

Tambe por pasa na Cas di Cultura of Departamento di
Cultura pa inscribi.

Aruba tin talento, pues no perde e oportinudad pa mustra

di bo y conoce otronan cu ta comparti bo pasion!