Page 49 - FLPD

Den bida semper tin un prome biaha y e prome biaha aki ta ser accentua cerca e
parlamentario señora Tromp-Lee, mas ainda e sentimento di responsabilidad pa
garantisa un mihor futuro pa nos yiunan y e necesidad pa aporte na un desaroyo
sostenibel y duradero pa nos Pais y tur cu ta biba ariba e pida baranca aki.

Labor:

Den e reunion aki señora Tromp-Lee a cuminsa cu e parti di Labor. Su persona tabata

contento di por a tuma nota cu Minister di Labor su maneho ta primordialmente dirigi
pa garantisa cu nos hendenan cu ta desemplea ta e promenan yama pa haya un trabao.

Preocupante tabata e informacion suministra pa e minister cu 23% di nos hobennan ta

desemplea, esaki ta 1 di cada 4 hoben. Banda di e grupo aki, tin e grupo di Young
profesional cu tambe tin hopi dificultad pa haya un trabao. Mester remarca cu e
resultadonan di Jobcenter ta hopi alarmante y ta indica cu e percepcion di e publico ta
basa ariba realidad, esta cu nan no ta bay registra na DPL pasobra nan no ta keda yuda

tog.

Na 2017 solamente 9,5% di e bijstandtrekkers cu a bay registra pa un trabao na DPL a
keda yuda cu un trabao, y solamente 7,1% di esnan cu ta en busca di trabao a keda

yuda na un trabao. E porcentahenan aki ta hopi abou y preocupante. Segun señora
Tromp-Lee, un otro seccion cu ta rekeri hopi atencion ta e seccion di Inspeccion di
Labor. Inspeccion tin un tarea importante pa yuda Gobierno mehora e calidad di empleo
y condicionnan na pia di trabao.

Social:

Alavez señora Tromp-Lee a trata e aspecto social vigente na Aruba. E bon trabao di AVP

a conduci na un pais den crisis. Un crisis cu ta keda refleha no solamente den e
situacion financiero di nos pais pero tambe den e crisis social cu actualmente nos ta
aden.

Un situacion alarmante caminda e tristo realidad ta cu pa atende cu e diferente
problemanan social aki na Aruba ta papia di listanan di espera. Preparando pa
presupuesto fraccion di MEP a sinta cu diferente instancia, departamento y
fundacionnan cu ta traha den e veld social y nan ta grita pa atencion, nan ta grita pa