Page 52 - FLPD
P. 52
ORANJESTAD (AAN): Desde diahuebs
ultimo a inicia tratamento di presupuesto di pais Aruba pa locual ta trata 2018. Minister
Dangui Oduber, Glenbert Croes y Andin Bikker tabata e promer tres ministernan cu a
bay Parlamento pa defende presupuesto di nan respectivo carteranan.
Parlamentario Endy Croes sinembargo a baha duro contra Lotto pa Deporte. Despues di
a haci diferente pregunta na Minister di Deporte Dangui Oduber y a ricibi e contestanan
no a keda lugar pa duda cu e hendenan aki mester bay cas.
Abnormalidad den Lotto
Durante e reunion aki por a prueba cu e Director actual Destefano Wernet no ta digno
di confiansa. Parlamento di Aruba a wordo confronta cu prueba con Destefano Wernet
ta ofrece su mes pa servicio como accountant na Lotto pa Deporte siendo e tabata den
funcion como Presidente di e Fundacion e tempo aya y ta ricibiendo un vergoeding.
Locual a cay den masha mal tera den Parlamento tabata na momento cu Minister di
Deporte a presenta e suma cu Destefano Wernet a cobra den apenas 9 luna di trabao.
Un total di Afl. 218.000 (218 mil) florin. Den e mesun aña Lotto a paga un otro
compania profesional di accountancy Afl. 150 mil pa haci e mesun trabao, incluso a
paga 2 empleado den Lotto placa adicional banda di nan salario pa haci parti di e
mesun trabao. Locual ta pasando den Lotto no ta normal.
Actonan di sinberguensa
