Page 5 - MERVIN

organisa un conferencia di salubridad na Aruba na juni 2015 y despues nan juni 2017.
Meta tabata pa firma palabracion y convenionnan pa loke ta trata cooperacion entre e
paisnan pa logra un cuido di calidad halto y pagable.

A firma convenio riba tres area, esta “International Health, Regulations”, cooperacion en
general dor di e paisnan hunto cu PAHO y cooperacion entre inspeccionnan di salud di e
paisnan.
Wyatt-Ras ta señala cu e convenionan aki ta bon ehempel di resultado di IPKO y di
Gobierno cu ta traha conhuntamente cu Parlamento na interes di nos pueblonan den
Reino.
Wyatt-Ras ta di opinion cu Gobierno di Aruba mester sigui cu e cooperacion y hasta por
keda t’e trekker di cooperacion den Reino, manera tabata e caso anteriormente.

Banda di pidi e Minister pa manda documentonan cu el a firma a puntra Minister si nos
como Aruba lo keda fungi como trekker pa loke ta trata e area di salubridad den Reino.
Ademas a puntra Minister cual t’e diferente palabracionnan cu a ser haci pa loke ta trata
prevencion, estilo di bida, movecion y deporte.
A puntra tambe p’e acuerdo di cooperacion cu a sera cu Fundacion na Bonaire Mariadal.
Tambe a puntra si a palabra cu AZV di Aruba lo traha hunto cu e otro seguronan general
na otro paisnan pa loke ta compra central di medicamento.

AZV Aruba cu tin un trayectoria mas largo den Reino tabata habri pa traha hunto. A
puntra alabez ki curso lo ser entama pa profesionalnan den Reino y palabracion rond di
desasternan y si Gobierno por manda cuanto esaki lo costa.
Pa loke ta trata e otro palabracionnan ya caba firma, Wyatt-Ras a puntra con ta bay cu
ehecucion di loke a ser palabra conhuntamente.
E Parlamentario ta spera di por haya contesta riba su pregunta den bienestar di e area di
salubridad cu ta un area cu a mira hopi cambio durante ultimo añanan cu diferente ley cu
a cambia y diferente palabracion importante.
Pa futuro cercano ta di importancia pa sigui traha nan diferente cambio cu lo por genera
ingreso pa nos pais manera e.o. e centro oncologico y caterisacion.

https://awemainta.com/parlamentario-mervin-wyatt-ras-tin-diferente-pregunta-pa-

minister-di-salud-encuanto-cooperacion-den-reino/