Page 7 - MERVIN
P. 7
paisnan y a haci palabracionnan encuanto programanan di prevencion, cooperacion
entre hospitalnan, medicamento, cursonan pa profesionalnan y intercambio di
informacion. Ademas a intercambia y palabra pa loke ta trata kico pa haci ora di
catastrofenan, promocion di un estilo di bida saludable, deporte y movecion.
Segun Wyatt-Ras e importancia di cooperacion entre e paisnan a ser enfatisa na
diferente ocasion durante reunionnan di IPKO. A base di un inventarisacion di diferente
facilidadnan, palabracionnan di cooperacion y posibilidadnan pa futuro y desventahanan
den e cuatro paisnan di Reino e grupo di trabou di IPKO cu trekker Aruba a logra pa
gobierno di Aruba a organisa un conferencia di salubridad na Aruba na juni 2015 y
despues nan juni 2017. Meta tabata pa firma palabracionnan y convenionan pa loke ta
trata cooperacion entre e paisnan pa logra un cuido di calidad halto y pagable.
A firma convenionan riba tres area, esta “International Health
Regulations”, cooperacion en general dor di e paisnan hunto cu PAHO y
cooperacion entre inspeccionnan di salud di e paisnan.
Wyatt-Ras ta señala cu e convenionan aki ta bon ehempel di resultado di IPKO y di
gobierno cu ta traha conhuntamente cu Parlamento na interes di nos pueblonan den
Reino. Wyatt-Ras ta di opinion cu gobierno di Aruba mester sigui cu e cooperacion y
hasta por keda ta e trekker di cooperacion den Reino, manera tabata e caso
anteriormente.
Banda di pidi e minister pa manda documentonan cu el a firma a puntra minister si nos
como Aruba lo keda fungi como trekker pa loke ta trata e area di salubridad den Reino.
Ademas a puntra minister cual ta e diferente palabracionnan cu a ser haci pa loke ta
trata prevencion, estilo di bida, movecion y deporte. A puntra tambe pa e acuerdo di
cooperacion cu a sera cu e fundacion na Boneiro Mariadal. Tambe a puntra si a palabra
cu AZV di Aruba lo traha hunto cu e otro seguronan general na otro paisnan pa loke ta
compra central di medicamento. AZV Aruba cu tin un trayectoria mas largo den Reino
tabata habri pa traha hunto.
A puntra alavez ki cursonan lo ser entama pa profesionalnan den Reino y
palabracionnan rond di desasternan y si gobierno por manda cuanto esaki lo costa. Pa
