Page 11 - MIN ARENDS

Small Business Event Ta Dedica Na Tur Cu Tin

Ambicion Comercial

 Local
- 05/07/2017

Diasabra awor dia 8 di juli 2017, Ministerio di Asunto Economico ta organisa “Small
Business Event” den Renaissance Convention Center.

“E evento aki ta pa na prome lugar, duna un presentacion di e 4 top sectornan cu ta defini
e maneho economico di Gobierno, cu t’e areanan di industria cu ta ofrece oportunidadnan
economico pa desaroya”, asina Minister mr. drs. Richard Arends a bisa diamars atardi
durante un conferencia di prensa.

E inversionnan cu Gabinete Mike Eman II a haci e ultimo 8 añanan pa loke ta trata
infrastructura y tambe calidad di areanan publico, a resulta den 5 area fisico di
oportunidad rond di nos isla.Ta trata aki di e area rond di refineria, e area rond di waf di
carga na Barcadera, e area rond di waf di crucero na Oranjestad, e area rond di Hospital y
tambe areanan rond di e obranan infrastructural cu a inaugura recientemente.E cinco
areanan aki nos kier desaroya a base di e 4 top sector di actividadnan
economico.“Durante e conferencia di diasabra awor, nos lo presenta ehempel y
experencianan di empresario y inversionistanan cu ta den e top sectornan aki, pa nan
comparti nan storianan cu e publico presente.Nos ta invita inversionistanan nobo y
doñonan di empresa mediano y chikito pa ta presente sin falta”, asina Minister Richard
Arends a expresa.Puntonan cu lo enfoca diasabra awor ta riba ingredientenan con pa
inverti den e calidad humano, expansion di bo negoshi, tecnologia limpi, logistica y
tambe industrianan creativo.Entrada ta gratis, pero ta pidi pa registra adelanta na IDEA,
na Departamento di Asunto Economico.E evento lo cuminsa for di 9:00am te cu 1:00pm
na Renaissance Convention Center.“Mi ta extende un invitacion na publico general, tur
cu tin ambicion comercial, pa asisti n’e evento aki, Small Business Event, diasabra awor.
E evento ta gratis, pero pa participa mester inscribi yamando 582-1181 ext. 439 of via e-
mail l.croes@idea-aruba.com.