Page 26 - MIN ON

Tanto CFT y IMF a señala den nan raport cu un di e retonan structural cu Aruba tin su dilanti, ta e situacion cu e productividad di trabou ta
abou. Productividad di trabou ta con efectivo empleadonan ta presteer. P. e. tin un proyecto cu mester wordo ehecuta den un periodo di 4 luna, y por dicidi
di bay haci uzo di 5 of 10 empleado. Dor di haci uzo di menos empleado (dus 5 den e ehempel aki) e productividad ta grandi, p’e motibo cu menos
empleado lo haci e trabou en bes di haci uzo di mas empleado. Otro manera di midi e productividad di trabou ta si haci uzo di mas empleado y e proyecto
lo termina den un periodo mas cortico.

Den e ehempel menciona esey nifica, haci e proyecto cu 10 empleado pero en bes di termina e proyecto den 4 luna, ta termin’e den 2 luna di tempo, segun
Eddy Ras.

Un di e factornan cu tin influencia pa mehora productividad di trabou ta enseñansa. Enseñansa tin influencia riba productividad di trabou, como cu un
empleado cu tin bon conocimiento riba su materia lo presteer optimal. Aunke cu enseñansa na Aruba conoce su limitacionnan mester percura pa por ofrece
tur locual cu por y cu e miho calidad.

Cu limitacion ta wordo comprendi cu no ta tur opleiding tin na Aruba (p. e. scheepvaart, luchtvaart, etc.) y momento di sigui studia, hopi hobennan mester
sigui un estudio avansa den exterior, Ras ta splica.

Momento cu ta bay traha rib’e topico enseñansa, mester evalua ki oportunidadnan enseñansa mester por ofrece pa keda mehora productividad di trabou.
Tres punto cu ta hunga un rol grandi entre e relacion di enseñansa y productividad di trabou ta:

“Scholing”. Momento cu empleadonan ta bon educa nan productividad di trabou lo ta halto. Aki ta unda cu calidad ta di suma importante. E calidad ta
percura cu un alumno ta domina e materia optimal. Dor di domina su materia optimal e por funciona den su trabou na un manera optimal.