Page 27 - MIN ON

“Bijscholing”. Bijscholing ta brinda oportunidad pa ciudadanonan keda desaroya nan mes p’asina nan no cay atras segun nan trabou ta desaroya. Y tambe
crea oportunidad pa esnan cu pa un motibo of otro no a haya oportunidad pa sigui un opleiding.

“Herscholing”. Un persona cu a sigui un opleiding cu no ta pas cu su persona, lo no duna productividad optimal cu consecuencia cu su productividad di
trabou lo keda cada bes bira menos. Y pa es motibo mester tin e oportunidad p’e haya chens di sigui un otro opleiding cu e ta sinti cu ta pas mas cu su
personalidad, Ras ta mustra.

Mehora productividad di trabou tin su beneficionan pero tambe e ta trece su retonan. E beneficio di un miho productividad di trabou unda cu companianan
por funciona optimal cu menos empleado, ta crea cu e companianan tin e flexibilidad di ofrese un miho salario pa por sigui competi. Empleadonan cu tin
un miho salario ta contribui mas cu economia di Aruba.

E reto cu empleadonan tin miho productividad di trabou ta trece cu lo bay tin mester di mas empleo. Como cu mehora productividad di trabou ta haci cu
compania por drei cu menos empleado, ta haci cu si no crea empleo lo tin como consecuencianan cu un grupo di habitante lo ta desemplea. Pa crea mas
empleo cu miho salario y cu ta brinda mas variacion den profesion, POR lo ehecuta den e siguiente gobernacion:

Expande turismo pa medio di fast ferry entre e islanan Aruba, Corsou y Boneiro.

Introduci pilar economico nobo cu ta e curason di Fourth Industrial Revolution, Ras ta continua.

E pilar economico nobo lo ta enfocando riba companianan high tech, E-business, startups, business incubators, companianan fintech y otro actividadnan
economico inovativo basa riba tecnologia nobo.

Pa ta atractivo pa introduci un pilar economico nobo lo:

Introduci incentivonan fiscal;

Stimula creacion di un fondo di inversion;

Brinda e infrastructura necesario cu e meta pa desaroya un sector economico nobo.

Pa crea y logra oportunidad igual pa tur alumno, mester haci enseñansa acesibel pa un y tur. Pa es motibo POR lo introduci enseñansa cu ta wordo subsidia
pa Gobierno, completamente gratis. Tanto p’e alumnonan di scol preparatorio, scol basico y scol secundario, Ras ta termina.