Page 49 - MIN JUS 24 FEB 2016

18 AWEMainta Diaranson, 24 Februari 2016

Conferencia di
Comunicacion
promé paso pa
colaboracion mas
intensivo

KRALENDIJK - Dianan 18 y 19 di febrüari ultimo, Departamento di

Comunicacion di Rijksdienst Caribisch Nederland, den cooperacion cu
representacion di Hulanda na Willemstad, Oranjestad y Philipsburg, a organisá
e conferencia: ‘Comunicacion, Forsa di Reino’, na Bonaire.
Esaki tabata un iniciativa pa bùndel e colaboracion regional dentro di Reino,
pa siña di otro y pa intercambiá experencianan cu otro.
Mas di 70 profesional riba tereno di comunicacion y coordinadornan di
crísis riba tereno di comunicacion gubernamental y semi gubernamental di
Aruba, Bonaire, Còrsou, Saba, Sint Eustatius y Sint Maarten, a bin Bonaire
p’e conferencia aki.

E conferencia tabata hopi exitoso. Cu hopi entusiasmo a reaccioná riba e
oradornan y e participantenan a participá activamente n’e sesionnan di grupo,
caminda cu a trata ehèmpelnan for di den practicá.
Aldrich Croes a trata crísis di crímen y comunicacion na Aruba y loke a siña
di e caso Natalee Holloway.
Marco Leeuwerink a bay cu e participantenan den e ròl di análisis di ambiente
y Paul Martens a conta tocante di comunicacion durante di orcan y tormenta
tropical. Jefka Alberto a trata e forsa di comunicacion ora ta trata di un
demonstracion, inundacion y e asesinato di Helmin Wiels.
Wouter Jong a informá e participantenan tocante di e importancia di e
análisis di ambiente ora ta trata di comunicacion y Ivar Nijhuis a compartí su
experencianan cu e Nuclear Summit Den Haag y e desaster aéreo cu e MH-17.

Banda di compartí conocemento cu otro tabatin suficiente espacio pa siña
conocé otro (mas) mihor. Esaki a crea un nèt profesional nobo.
Un plataforma den cua profesionalnan di comunicacion por yuda y informá
otro. Ta pa promé biaha cu un conferencia di e magnitud aki a tuma lugar na
Bonaire. E programa interesante, cu a cana zetá, por a conta cu respaldo di
tur participante.
E entusiasmo a pasa over y, basta tin suficiente medio/recurso obtenibel, lo
organisá un conferencia nobo riba un di e islanan participante.

Aki tambe e tema lo ta ‘Comunicacion, Forsa di Reino’. Pasobra, manera
Representante di Reino, Gilbert Isabella a bisa caba durante di su speech di
apertura: “Keda sin comunicá nota un opcion”.
Bou di encargo di RCN a traha un documentario tocante di e.o. desasternan
di naturalesa, crísisnan y crímennan cu tuma lugar den pasado riba e islanan
Aruba, Bonaire, Còrsou, Saba, Sint Eustatius y Sint Maarten, p’e conferencia.

Historiador Franklin (Boi) Antoin a scirbi e documentario y e organisacion di
hóben BYOF, bou di guia di Dennis Martinus, a producié. Tin un vershon còrtico
di 8 minüt y un version largo di 24 minüt. Pasobra ta trata di algo histórico di
e islanan, nos kier compartí esaki.
Aki bo ta haña e lenk p’e version còrtico aki e lenk p’e version largo.