Page 4 - MIN ARENDS
P. 4
Arends: Negoshinan chikito ta wes’i
lomba di nos economia
Posted on 07/9/2017 6:41 pm AST | Updated on 07/9/2017 6:42 pm AST
ORANJESTAD - " Negoshinan chikito ta wes’i lomba di nos economia. Un sala
completamente yen di comerciantenan existente pero tambe di tur esunnan cu tin un
soño of un idea, un vision, pa bin cu nan propio negoshi”. Na palabra, minister di
Econimia Richard Arends diasabra merdia despues di a atende “Small Business
Event” den Renaissance Convention Center.
E meta di e conferencia tabata pa duna informacion pa esunnan cu tin negoshi caba of
kier lanta un negoshi nobo. E di dos meta ta pa inspira. Gobierno di Aruba ta
desaroyando 4 top sector den nos economia, cu ta logistica, industrianan creativo,
importacion di conocemento di tecnologia limpi y a invita 4 orador cu a representa cada
un di e cuater areanan aki. “Y e meta pa inspira ta pa asina tur esunnan cu kier cuminsa
cu un negoshi, pa nan tuma e paso ey y bira un comerciante local. Gobierno t’ey pa
facilita, pa trece e partidonan hunto, trece e hendenan hunto y den e breakout sessions
tabata yena cu informacionnan hopi practico”, di acuerdo cu Arends.
