Page 62 - MIN ARENDS

Small Business Event a logra su meta: Inspira!

Sunday, 09 July 2017 19:22
1

Comparti

Diasabra ultimo Ministerio di Asuntonan Economico a organisa "Small Business Event" den Renaissance
Convention Center.
Durante e evento a enfoca riba e 4 top sectornan cu ta defini e maneho economico di Gobierno, cu ta e
areanan di industria cu ta ofrece oportunidadnan economico pa desaroya.
E inversionnan cu Gabinete Mike Eman II a haci e ultimo 8 añanan pa loke ta trata infrastructura y
tambe calidad di areanan publico, a resulta den 5 area fisico di oportunidad rond di nos isla. Ta trata aki
di e area rond di refineria, e area rond di waf di carga na Barcadera, e area rond di waf di crucero na
Oranjestad, e area rond di Hospital y tambe areanan rond di e obranan infrastructural cu a inaugura
recientemente. E cinco areanan aki nos kier desaroya a base di e 4 top sector di actividadnan economico.
Puntonan cu a enfoca diasabra tabata ingredientenan con pa inverti den calidad humano, expansion di
bo negoshi, tecnologia limpi, logistica y tambe industrianan creativo.
Mayoria di e participantenan a laga como peticion atras pa tanto IDEA, como tambe Departamento di
Asuntonan Economico, pa organisa mas di e tipo di eventonan asina, enfoca riba yuda carga y desaroya
negoshinan chikito riba nos isla.