Page 7 - ARUBA BANK

ORANJESTAD (AAN) – E costo di bida ta sigui aumenta ketobay, y no ta mira un
expectativa di alivio te awo. Den un entrevista cu DIARIO a tene cu Minister di
Economia y Finanzas mr. Xiomara Ruiz- Maduro, a toca e tema di e ampliacion di
canasta basico.

E mandatario a reitera loke a wordo bisa den diferente conferencia di prensa: cu e
macuto basico a wordo amplia cu 22 producto, y ainda e ultimo parti di esaki mester
wordo adapta na un legislacion pa asina productonan di pasta tambe cay bao di esaki.

Minister Ruiz-Maduro a señala cu desde aña 2011 caba nan tabata papiando di
ampliacion, pero ampliacion di un macuto basico no ta algo cu gobierno por implementa
di awe pa mañan.

Esaki pasobra e tin su parti economico den cual gobierno ta interferi den e mercado y
pesey hunto cu e importadornan nan ta yega na locual ta ampliacion di e macuto. Pero
e no ta algo cu por keda amplia cada bez, debi cu e tin un repercusion economico

tambe.

E mandatario a bolbe menciona ta e proyecto di mercado popular. Gobierno kier facilita
un lugar pa esaki bin tanto na Oranjestad como na San Nicolas. E meta ta pa e

consumidor por cumpra productonan na prijs di costo.

Minister di Finanzas a menciona cu por mira cu ya caba tin supermercadonan cu ta
bende productonan di calidad B, cu no ta marcanan conoci pero cu ta di bon calidad,

asina ta cu e consumidor tin e opcion aki tambe.

Minister Xiomara Ruiz-Maduro ta admiti cu ta berdad cu e productonan di consumo
diario a bira mas caro, y el a bisa cu esaki tin di haber cu diferente factor. Pero den e

caso aki, keda amplia e macuto basico no ta algo cu por bisa cu ta un herment cu por
yuda pa locual gobierno kier logra.

E dignatario a uza como ehemplo e bleki di sardin. Nan por pone un tipo di sardin den e

macuto, cu su prijs no mag pasa 3 florin. Pero si e importado ta bisa cu e no ta gana
nada cune y por keda sin importe mas y busca e sardin ey pero cu pica of berdura, cu
no ta esun cu tin stipula den e ley. Y na Aruba ley ta hinca den otro di manera cu e