Page 8 - ARUBA BANK

comerciante tin e libertad pa por haci comercio, y gobierno no ta bay dicta e importado
cu e mester importa productonan determina.

Esaki no ta existi den Aruba su sistema economico, Minister di Finanzas y Economia a

remarca. E mandatario a bolbe referi na e Mision Comercial di Reino Hulandes na
Colombia, den cual Aruba a participa representa pa su persona.

E tempo ey e ministernan a papia tocante e posibilidad di importa carni di Colombia cu

ta mas economico y di calidad. Esaki a bay pa facilita e proceso pero ta keda na e
comerciante mes, y gobierno por a compronde cu Aruba tin cierto leynan cu ta dirigi na
e mercado europeo, cu tin biaha ta stroba e procesonan aki, y mester purba e proceso
mas lihe cu tin.

E mandatario a indica cu Aruba por haya carni for di Colombia pero tin cierto
restriccionnan cu mester cambia y tin parti cu ta competencia di su ministerio pero tin
parti cu ta minister di salud su responsabilidad, cu ta rekisitonan cu mester cumpli cune

pa por haci e tipo di importacion aki pa Aruba.

Encuanto fruta y berdura hopi producto ta bin via aereo y tanten cu e comerciantenan
no por cera un bon deal cu otro, e prijs ta keda halto. Tocante e parti portuario

gobierno a informa Colombia cu nan ta drechando cierto wafnan pa nan por haya e
conectividad aki tambe, pa nan productonan por drenta via lama, pa ora tin e conexion
aki por baha e prijs di transporte.

Un grupo grandi a bin pa papia cu e comerciantenan local y esey ta bay den bon
direccion pa asina nan por cera dealnan cu ta cumbini nos pueblo, cu por haya e
productonan mas barata ya cu e demanda tey caba y e ora ey e proveedornan sa cu
nan tin cierto benta na Aruba caba y asina nan por agiliza e proceso aki y na final di dia

comunidad por haya prijs mas abao pa loke ta fruta y berdura.

Tur esaki ta aspectonan cu ta canando pero e ta tuma nan tempo. Finalmente e
mandatario a reitera cu gobierno kier facilita e mercado popular, y ta trahando riba dje,

pero lamentablemente, tin hopi cos cu esaki ta encera aunke e ta canando den e bon
direccion, no mas cu no tur cos ta cla pa e pueblo haya e beneficionan aki.