Page 2 - ARUBA BANK
P. 2
AWEMainta Diaranson, 13 September 2017 5
Huez Comisario a duna ordo pa alarga detencion di
Paul Croes y su chofer, Roque Aparicio cu 60 dia mas
DEN e caso di IBIS Huez Comisario den casonan penal di Corte den Prome
Instancia di Aruba, a duna ordo pa alarga detencion di e sospechosonan Paul F.T.
Croes y su chofer, Roque Aparicio cu 60 dia, riba peticion di Fiscal di Husticia.
Huez Comisario a tuma e decision ey, pasobra mescos cu Fiscal, e ta di opinion
cu tin un sospecho fuerte cu Paul Croes a haci su mes culpable na hechonan
castigable serio: Soborno ambtelijk (pasivo), verduistering, labamento di placa,
falsificacion y mensensmokkel.
Pa loke t’e chofer Roque Aparicio, tin e sospecho fuerte cu el a haci su mes cul-
pable hunto cu Paul Croes di soborno (pasivo) y labamento di placa.
Ambos sospechoso a wordo hiba bek KIA. Nan ta ainda den beperking, loke
kier men cu nan no mag di tin contacto cu ningun hende, otro cu nan abogado.
Segun Ministerio Publico, e investigacion lo sigui.
TESTIGO
E ekipo investigativo lo scucha mas testigo y sospechoso den e simannan nos
dilanti. Un prome tratamento (pro forma) den e investigacion lo tuma lugar
inicio di december awor, segun expectativa.
Despues di a alarga su detencion cu 60 dia mas
Abogado di Minister Paul Croes
lo apela dicho alargacion
FISCAL di Ministerio Publico a haci uso di loke ley ta permiti nan di pidi Huez
Comisario orden pa alarga detencion di Minister Paul Croes cu 60 dia mas. Tur
esaki usando como argumento cu ta pa ‘bienestar’ di e investigacion.
Mientrastanto a haci un entrada hudicial na su cas, ta tarda 5 luna pa su deten-
cion y awor ta opta pa tene pa dos luna mas.
Abogado di Paul Croes, esta Marije Vaders lo bay den apelacion di e prolongacion
aki, pasobra no ta mira e motibo urgente pa alarga esaki.
Pa su total asombro y indignacion e abogado ta haya e caso aki algo nunca bisto
den historia di husticia aki na Aruba.
No tin temor cu Paul Croes lo por huy y mas aun a warda 5 luna pa interogu’e,
pues ta incomprendibel e modus operandus di Ministerio Publico.
Tin indicacion serio y ta crea un impresion fuerte cu nan ta abusando di nan
poder o sea malusando loke ley ta permiti nan di trapa riba derecho di e sernan
humano a base di nan fishing expedition y nan agenda politico, segun abogado
mr. Marije Vaders.
UN SCENARIO HOPI PELIGROSO
Esaki ta un situacion basta peligroso den nos comunidad na aña 2017, cu a base
di suposicion, redo, hinca palabra den boca di hende cu supuesto pruebanan ta
purba show nan poder.
Esaki ta un atropeyo total y un inhusticia na nomber di husticia con e hendenan
aki ta actuando, asina observadornan husticiero ta indica. E cos aki ta hole stinki.
Un cos por bisa cu e abuso aki no por ni lo dura pa semper y esun cu haci su mes
culpabel di abusa, fabrica cosnan pa acusa hende falsamente lo mester responde
un dia dilanti mesa berde y di Hueznan imparcial.
