Page 3 - ARUBA BANK

AWEMainta Diaranson, 13 September 2017 13

Cruz Cora Aruba mision St. Maarten cu anuncio importante

CRUZ Cora Aruba kier comunica na tur cu kier yuda cu e dam-
nificadonan na isla ruman, St. Maarten, lo siguiente: Nederlandse
Rode Kruis, Cruz Cora Aruba y Krus Kora Korsou ta uni den un
mision na St. Maarten y ya pa un siman caba ta organizando gru-
ponan di boluntario cu ya caba ta na St. Maarten of na caminda
pa por yuda cu e damnificadonan.

Trabounan di Rode Kruis ta ensera te cu e momentonan aki,
Assessment (sondeo) di e pais afecta, asisti den e shelters, distri-
bucion di awa, un post na Airport SXM, ta yuda n’e Helpdesk y
Tracing the Missing entre otro.

Na momento cu e Assessment ta completo, lo e ora tin un mi-
hor idea kico ta loke t’e plan di accion. P’e motibo aki, kier pidi
comprension tambe di comunidad ya cu aworaki ta enfocando
riba ayudo basico y di prome auxilio. Y percura pa structura tur
accion na su momento teniendo na cuenta logistica.
Comunidad por aporta n’e mision aki cu un donacion pa yuda
cubri tur gasto di transporte, seguro, compra di productonan
di necesidad, material di prome auxilio, awa, tent y tur loke tin
mester pa por asisti na isla ruman dor di deposita riba nos cuenta
di emergencia:

Aruba Bank # 038.401.0390
Caribbean Mercantile Bank # 641.733.07

Cruz Cora Aruba NO ta aceptando paña y tampoco ta hiba pa-
kete personal St. Maarten. Awor aki ya tin un inventario grandi
di paña disponibel.
Si tog kier yuda di otro forma, por haci esaki entregando e
siguiente productonan si mantene n’e reglanan stipula. Esaki
por wordo entrega na Cruz Cora Aruba, Pedro Gallegostraat 14,
Dakota entre 9am – 2pm.
Producto di bleki cu no ta expire den e proximo 6 luna; Aroz;
Lechi cu no ta expire den e proximo 6 luna; Ensure cu no ta expire
den e proximo 6 luna; Pampers; Producto di hygiene personal y
Vitamina C. E productonan mester bin den e caha habri!

De antemano, Cruz Cora Aruba kier gradici tur cu ta yamando
pa aporta di un of otro manera, y ta spera cu por compronde e
trabou di Cruz Cora n’e momento aki. Pa mas informacion, por
tuma contacto cu nos na tel. 582-2219.