Page 28 - ARUBA BANK

regional Diaranson 13 september 2017
a7

Brasil mester por recoge

238 miyon tonelada di grano

den cosecha 2016/17

BRASIL (Jornal do Brasil).- E Compania
Nacional di Abastecimento (Conab) a di-
vulga ayera, cu ta calcula un cosecha di 238,7
miyon tonelada di grano den e temporada
di 2016/2017. E cifra ta representa un crece-
mento di 27,9% compara cu e temporada di
2015/2016 . E area planta tambe a aumenta cu
4,4%, yegando na 60,9 miyon hectar. E credito
rural y clima ta factor menciona como dife-
rencia positivo pa e resultado final.

E presidente di Conab, Marcelo Bezerra, a splica cu e crece-
mento di productividad ta debi na factornan manera “e dis-
ponibilidad di credito na cierto momento, e desaroyo di e
costonan di produccion na momento di sembra, e clima y
tecnologia.”
Segun estudio di Conab, e produccion di maishi di prome
cosecha ta di 30,46 miyon tonelada, cu un aumento di 18,3%,
compara cu e cosecha anterior. Pa e di dos sembra, e calcula-
cion ta cu e ta yega na 67,25 miyon tonelada.
Den sector di soya, cu ta e grano mas produci na e pais, y cu
a representa 13,72% di tur exportacion Brasileño na 2016, e
expectativa pa e aña aki ta cu e cosecha ta yega na 114 miyon
tonelada. Cu esaki Brasil ta mantene su posicion como e se-
gundo productor mas grandi na mundo di soya, despues di
Merca.
Bonchi tambe a aumenta fuertemente su produccion. Cu
1,36 miyon tonelada den prome sembra, y di 1,2 miyon den
di dos, expectativa ta cu e sector lo yega 836.000 tonelada den
e tercer sembra. Di acuerdo cu Conab, e aumento considera-
bel di produccion di grano ta sucede atraves di un aumento di
17,2% den area di produccion.
Trigo, cu un reduccion di 9,5% di area sembra, tabatin un
caida leve di produccion. Entre tanto, ta calcula cu e sector lo
produci 5,19 miyon tonelada. E transicion di fase vegetativo y
e clima ta factor cu ta interveni den e caida di e cosecha.
Pa e director di secretaria di politica agricola, Silvio Farnese, e
cifranan presenta awor ta mustra e aumento di productividad.
“E cifra di 238,7 miyon tonelada den cosecha di grano ta rep-
resenta un crecemento di casi 30% den produccion, cu apenas
un poco mas di 4% di aumento di e area planta. E patron tec-
nologico y e conocemento cu e productor tin awe ta factornan
cu ta coopera den e resultadonan aki,” el a afirma.
A pesar di e produccion halto, e pais tin limitacion pa por
saca e cosecha. “Nos puertonan a mehora, pero ainda nos tin
problema, mas cu tur na region Norte. E costo di fleta riba
distancia riba 3000 km ta hopi halto. Disminui e costo aki ta
un desafio,” sr. Farnese a bisa.
Conab tambe ta alerta riba e necesidad di cuido special pa pro-
ducto cu ta keda den stock pa mas tempo, pa evita desperdicio.