Page 7 - AWE0606_merged

Dialuna 6 di Juni 2022

COMUNIDAD
Cuatro pushi a haya un cas nobo

en fin di siman Nine Lives Foundation a tene dos
Dactividad. Uno riba diasabra cu tabata Dia di Adopcion y e
otro tabata nan Garage y Plant Sale na e shelter na Jaburibari
8b. E ultimo aki tabata pa recauda fondo pa e cuido di e
pushinan cu e fundación tin bou di nan cuido. Na e garaghe
sale tabatin ganga na granel riba buki, paña, articulo y decor
pa cas y matanan salud.

Diasabra e fundación tabatin 10 pushi chikito cu tabata en
busca di un famia cu kier tuma nan bou di nan cuido. Ta trata
di pushinan cu a wordo laga riba caya of nan mama a wordo
laga riba caya y e fundación a cuida di nan.

E boluntarionan di Mine Lives Foundation a haya cooperacion
di Bestial Pet House na Shaba,pa di cuatro aña sigui, unda
cu nan por a sinta bou di un tent cu e pushinan y mira si por
haya un famia pa adopta nan. Den e evento anterior a logra
haya solamente dos famia cu a mustra nan amor grandi pa
mascotanan di cas. Pero e biaha aki tabata cuatro famia a
dicidi di hiba un pushi cu nan cas.

E biaha aki e suma cu mester a paga tabata solamente 60 florin. Y
esaki ta cubri e vacuna y otro hangua cu e pushi mester haya, esta e
sterilisacion pa evita cu ta core riesgo cu mas pushi ta bay keda riba
caya.
Ultimo tempo masha hopi pushi ta wordo laga pa nan cuenta riba
caya, coriendo e riesgo cu auto por dal nan, ya cu nan ta chikito. Ta
hopi importante pan a momento cu ta tuma un pushi of cualkier otro
mascota bou di bo cuido, pa hib’e veterinario y e haya su remedinan
necesario. Pero tambe pa sterilis’e. Tin un campaña andando unda
cu si adopta un pushi for di Nine Lives Foundatio, ta haci esaki pa
solamente 75 florin. Y e ta inclui e procedura di sterilisacion.

Pa mas informacion, subi nan Facebook page y ta haya tur informacion.
https://www.facebook.com/NineLivesArubaFoundat

7