Page 9 - AWEN 30-Jan-2015
P. 9
AWEMainta Diabierna, 30 Januari 2015 9
Vivi Franken Ruiz
Minister Otmar Oduber ta riba e
bon caminda pa loke ta museonan na Aruba
DIARAZON despues cu Minister Otmar Oduber a reuni cu tra-
hadornan di Museo Arkeologico pa informa nan di e cambionan
cu lo ta na caminda, esta cu e departamento aki lo bay forma parti
di un stichting cu ta un overkoepelend orgaan p’e museonan na
Aruba, Vivi Franken Ruiz encarga cu maneho di Museo Arkeologico
a comenta riba e cambio aki.
El a indica cu Museo Arkeologico ta hopi contento cu Minister
Oduber a tuma tempo pa informa nan y pidi nan opinion tocante
su plannan di pone Museo Arkeologico hunto cu otro museonan
bou di un capa.
El a agrega cu Minister tabata hopi cla y tabatin hopi participacion
di e trahadornan, unda cu a bin cu preguntanan hopi importante
dilanti.
Sra. Franken Ruiz a conta cu Museo Arkeologico t’e ‘role model’,
segun Minister Oduber p’e demas museonan na Aruba y cu nan
cu hopi gusto ta comparti nan conocemento y experiencia cu tur
otro cu ta cuminsando of tin un museo caba.
“Minister tin plannan grandi p’e museonan, e ta riba e bon caminda
pa pensa cu museonan mester haya mas fondo y mas medio pa por
opera, ademas cu museonan mester haya un rol primordial den e
parti di promocion di Aruba como un destinacion turistico”, Vivi
Franken Ruiz a duna di conoce.
