Page 14 - AM240409

14 DEPORTE AWEMainta Diamars, 9 April 2024
DE p O r TE

deporte@awemainta.com
OCA

Resultado Amazonas Valida Equitacion Pereira

DEN weekend tras di lomba, 4
Amazona di Aruba a competi
den e Valida Internacional na
Pereira, Colombia. Diasabra

Emilie Lomans y Zaria de Groot
a competi den e categoria di
Amazonas Infantil 9-11 aña.
Aunke tur dos a haci bon presen-

tacion, no a logra clasifica entre
e grupo di 25 amazonas.

Pa Zaria de Groot esaki

tabata su prome experiencia
Internacional. Mas anochi,
Genesis Pietersz a logra keda cu
un cuarto puesto den categoria

di Amazonas Aficionada 18-20
aña. Genesis a competi riba e
cabay Tesoro de Villa Floralina
di Criadero Floralina di Aruba.

Diadomingo Courtney Irausquin
a logra drenta top 8, pero no a
logra keda cu un puesto den e

resultado final den e categoria
di Amazonas Juvenil 15-17 aña.

Un pabien na tur pa un bunita

representacion di Aruba na
Colombia.