Page 10 - AM240409
P. 10
10 SUCESO AWEMainta Diamars, 9 April 2024
Pyroman activo un biaha mas na Moko
UN biaha mas, e habitantenan di e bario di Moko
a bira victima di huma procedente di un candela
basta grandi.
Segun informacion, diahuebs atardi, den careda
di 6’or, unidad di bombero a bay den direccion
di e bario p’asina combati e candela y evita cu
algun cas den e vecindario a pega candela.
Na nan yegada a bin topa cu un mondi bastante
kima y pocopoco esaki tabata expande n’e
casnan den vecindario.
No ta mucho dia pasa tabatin candela den Moko,
cu a haci cu e habitantenan tabata man na cabes,
pasobra nan no sa ki dia e fenomeno aki lo caba.
Awo atrobe pyroman ta activo ta causando
molester den vecindario y lo mas tristo ta, ningun
hende no sa ken e ta, Lo ta bon pa tin vigilancia
den e bario pasobra den pasado, e bario no sola-
mente tabata sufri di mondi na candela, pero
tambe ladronicia den nan cas.
Ta conoci cu no mucho leu tin varios adicto ta
biba y tin biaha djis pa pret, nan ta cende un ke
otro mondi na candela. Ta di spera cu autoridad
por tin man duro riba e caso aki di e manera aki
evita cu algo pio por pasa den e bario.
Mientrastanto, bombero a sa di paga e candela
di mondi aki.
