Page 54 - MIN VOS 5 AUG 2015

AWEMainta Diaranson, 05 Augustus 2015 33

HospiBondi Camp cu programa fabuloso di
vakantie pa yiunan di empleadonan di Hospital

RECIENTEMENTE a tuma lugar e di

23 edicion di e asina gusta HospiBondi
Camp p’e yiu y nietonan di e emplead-
onan di Dr. Horacio E. Oduber Hospi-
tal. Esaki ta di dos aña consecutivo cu
Noralfa Eckmeyer ta na cabes di organ-
isacion di e asina gusta camp cu cada
aña ta ofrece un programa varia y bon
hinca den otro.
E aña aki a mantene e cantidad maximo
di participante na 150 mucha, pasobra
simplemente tin hopi lugar cu nan ta
bishita cu no tin e capacidad pa mas
mucha.
E cantidad di lider, coordinador, comis-
ion organisado y ayudante ta 100 per-
sona, kende tur ta parti di e team di
Hospital.

Dos siman no ta basta, segun e muchan-
an cu tabata lanta bon tempran mainta
sin keha y prepara pa bay nan camp. Nan
a pidi pa otro aña e camp dura mas largo,
cual ta demostra cuanto nan ta gusta e
programa y ambiente di HospiBondi-
Camp.
Eckmeyer ta splica cu actualmente ta
limita e grupo na yiunan di e trahador-
nan y si tin cupo ta acepta tambe nieto-
nan di e trahadornan.
Den e caso cu ainda keda algun lugar
habri HospiBondi Camp ta ofrece esaki
pa sobrinonan di trahadornan di hospital
por participa tambe.

Un tradicion sigur ta cu e ultimo dia di
HospiBondiCamp e muchanan a presen-
ta un show masha dibertido y bunita den
e parkeerplaats di empleado di hospital,
unda a pone un stage bastante grandi p’e
artistanan hoben demostra nan talento
den canto, baile, etc.
HospiBondi Camp ta gradici Hunta Di-
rectiva, staf y personal di Dr. Horacio E.
Oduber Hospital pa dos siman fabuloso
di camp.
E comision di e camp a expresa cu nan
ta hopi gradici tambe na tur hende na
hospital y tur departamento di hospital,
como tambe Wendy’s, pa nan esfuerso-
nan y cooperacion.

“Nos ta cla pa 2016,” Noralfa Eckmeyer
a expresa cu un sonrisa grandi na final
di HospiBondi Camp 2015.