Page 2 - 25_di_april_di_2022
P. 2
2| Dialuna, 25 di April 2022
Muher a hinca homber den nek
Diasabra anochi algo prome cu
9:30, Polis y Ambulance a bay dilanti
Stadion Guillermo Prospero Trinidad
unda cu un homber a wordo hinca den
area di su nek.
Esaki causa pa un problema di pareha.
T’asina cu den Avenida Milio Croes Po-
lis a topa cu e homber kende a wordo
hinca dor di un muher, probablemente
su pareha. Esaki a pone cu varios uni-
dad di Polis a cuminsa tira bista riba
e auto cu e muher a bandona e sitio.
Den e auto lo tabatin un menor di edad
tambe, cu mas sigur lo a presencia tur
e problema.
Den Stadionweg e victima a conta Pa-
ramediconan y Polis cu e muher lo a
tira e cuchiu den un cura di cas. E am-
bulance a bay cu a homber den Sta-
dionweg pa mustra Polisnan cua cas.
Despues di algun minuut ta busca Polis
a drenta un cura di cas habri y ta bin
haya e cuchiu cu a wordo confisca.
Recherche tambe a presenta ey y De-
partamento Tecnico di Polis a wordo
pidi pa bin n’e sitio. N’e sitio por a
compronde cu e hinca no tabata algo
di gravedad, cu ta un bon noticia.
