Page 24 - HOH

Awe tardi pa 4:30 curso PRISMA

Diabetes tipo 2 na MFA Paradera

Posted on 11/4/2019 11:07 am AST | Updated on 11/4/2019 11:09 am AST

ORANJESTAD - E prome cursonan di PRISMA a tuma lugar den luna di September y
October, cual tawata un gran exito! Un total di 47 participante a finalisa e curso di dos
mitar dia unda nan a ricibi e conocemento y tools pa asina nan por tuma control y maneha
nan diabetes mas mihor.

E curso a wordo duna den gruponan chikito cu atencion completo riba e participante. E
participantenan a logra comparti nan preocupacionnan pa cu nan maneho actual y nan
preguntanan clave. Na un manera interactivo e participante a siña kico ta pasando den su
curpa, e sintomanan cu e por experiencia, e posibel complicacionnan y e diferente
opcionnan pa cu e tratamento di e malesa. Na final di e curso e participante a compronde
kico e por haci pa por influencia su salud, enfocando riba temanan manera alimentacion,
movecion, humamento, estado di animo y e uzo di medicamento.