Page 17 - AVP
P. 17
CITGO ta keda responsabel pa refineria
te ora traspasa esaki pa RdA
Posted on 02/11/2020 3:16 pm AST | Updated on 02/11/2020 3:18 pm AST
SAN NICOLAS - CITGO ta keda responsabel pa refineria te ora traspasa esaki pa
RdA. Asina Refineria di Aruba (RdA) a clarifica den un comunicado diaranson
atardi. Segun RdA, pa kita cierto incertidumbre cu por tin pa locual ta e status di e
refineria na San Nicolas, en particular pa locual ta trata e negosacion cu tin
andando entre Gobierno di Aruba, RdA y CITGO, como tambe e efecto cu un
traspaso di CITGO pa RdA lo por tin riba suministro di producto petrolero pa cu
Aruba, RdA la informa lo anterior y mas.
FASE DI NEGOSACION
Partidonan ta den e ultimo fase di e negosacionan pa suspende e contractnan cu CITGO
pa asina RdA tuma over e facilidadnan bek. Sinembargo, tanten cu e negosacionan no
keda cla, RdA no tin autorisacion pa opera e facilidadnan y consecuentemente no por
asumi ningun rol pa cu mantencion di e equiponan cu ta rekeri esaki tampoco. CITGO
mientras tanto ta keda responsabel pa ful e facilidad te ora cu traspasa esaki bek na RdA.
